Post News Media ព័ត៌មានជាតិ បុរសម្នាក់ ជិ...

បុរសម្នាក់ ជិះម៉ូតូស្រាប់តែខ្យល់គ ដួលបោកក្បាលស្លាប់យ៉ាងអាណោចអាធ័ម!

ចែកចាយបន្ត

ប៉ៃលិន: ករណីគ្រោះថ្នាក់ចរាចរណ៍ដ៏រន្ធត់មួយបានកើតឡើង ក្រោយពីបុរសម្នាក់ ជិះម៉ូតូដួលដោយខ្លួនបោកក្បាលនឹងថ្នល់ បណ្តាលឲ្យស្លាប់នៅនឹងកន្លែង។
ហេតុការណ៍កើតឡើងនៅវេលាម៉ោង២ និង៣០នាទីរសៀល ថ្ងៃទី១២ ខែតុលា ឆ្នាំ២០១៧ នៅត្រង់ចំណុចភូមិទួលខៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន។

អ្នកបើកបរម៉ូតូមានឈ្មោះ ផល សុខា ភេទប្រុស អាយុ ៣២ឆ្នាំ រស់នៅភូមិគ្រួសក្រហម ឃុំអូរដួល ស្រុកភ្នំព្រឹក ខេត្តបាត់ដំបង បើកបរម៉ូតូម៉ាក ហុងដា វ៉េវ គ្មានស្លាកលេខ បណ្តាលមកពីជនរងគ្រោះកើតខ្យល់គក្នុងពេលបើកបរ ។

បច្ចុប្បន្នសព ត្រូវបានប្រគល់ឲ្យបងប្អូន សាច់ញាតិ យកទៅធ្វើបុណ្យតាមប្រពៃណី ចំណែកវត្ថុតាងរក្សាទុកនៅការិយាល័យចរាចរណ៍ផ្លូវគោក ដើម្បីរង់ចាំក្រុមគ្រួសារមកយក៕