Post News Media ព័ត៌មានជាតិ រថយន្តមិនចាំម...

រថយន្តមិនចាំម៉ាកបុកម៉ូតូពេញទំហឹង បណ្តាលឲ្យបុរសម្នាក់ស្លាប់យ៉ាងរន្ធត់!

ចែកចាយបន្ត

តាកែវ: ករណីគ្រោះថ្នាក់ចរាចរណ៍ដ៏រន្ធត់មួយបានកើតឡើង រវាងរថយន្តបុកជាមួយម៉ូតូ ក្នុងទិសដៅបញ្ច្រាសគ្នា បណ្តាលឲ្យបុរសម្នាក់ស្លាប់នៅនឹងកន្លែង។

ហេតុការណ៍កើតឡើងនៅវេលាម៉ោង៨ និង៣០នាទីយប់ ថ្ងៃទី១២ ខែតុលា ឆ្នាំ២០១៧ នៅលើផ្លូវខេត្តលេខ១២៣ ត្រង់ចំណុចភូមិសីហា ឃុំចំបក់ ស្រុកបាទី ខេត្តតាកែវ។

ប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញមានរថយន្ត១គ្រឿងមិនចាំម៉ាក បើកពីកើតទៅលិច(បុកហើយបើករត់ទៅបាត់) លុះមកដល់ចំណុចកើតហេតុ បានបុកជាមួយនឹងម៉ូតូ ម៉ាកស្មាស់ ពណ៌ខ្មៅ ពាក់ស្លាកលេខ ភ្នំពេញ1Z-5017 ជិះដោយឈ្មោះ យិន ចាន់ណា ភេទប្រុស អាយុ២២ឆ្នាំ ស្នាក់នៅភូមិកន្លែងខ្លា ឃុំចំបក់ ស្រុកបាទី ខេត្តតាកែវ ក្នុងទិសដៅបញ្រ្ចាសគ្នា ស្លាប់ភ្លាមៗនៅនឹងកន្លែង។

ចំពោះសាកសព ត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕