Post News Media ព័ត៌មានជាតិ ទុស្សេខ្សែភ្ល...

ទុស្សេខ្សែភ្លើង ឆេះការិយាល័យរបស់ជនបរទេសធ្វើការមួយកន្លែងផ្អើលទាំងយប់!

ចែកចាយបន្ត

ភ្នំពេញ: មានការភ្ញាក់ផ្អើលយ៉ាងខ្លាំងមួយ បន្ទាប់ពីមានអគ្គិភ័យបានឆាបឆេះផ្ទះរបស់ប្រជាពលរដ្ឋមួយកន្លែង ផ្អើលដល់សមត្ថកិច្ច និងរថយន្តពន្លត់អគ្គិភ័យចុះមកអន្តរាគមន៍បាញ់ពន្លត់។

ហេតុការណ៍នេះកើតទ្បើងការពីវេលាម៉ោង ៣និង៥០នាទីទៀបភ្លឺ ថ្ងៃទី១៣ ខែតុលា ឆ្នាំ២០១៧ នៅចំណុចផ្ទះលេខ២១CD ស្ថិតនៅតាម បណ្តោយផ្លូវ១៨៤ កែងផ្លូវ ព្រះនរោត្តម សង្កាត់ជ័យជំនះ ខណ្ឌដូនពេញ រាជធានីភ្នំពេញ។

យោងតាមប្រភពព័ត៌មានពីម្ចាស់ផ្ទះបានឲ្យដឹងថា មុនពេលកើតហេតុ ផ្ទះនោះគឺជាការិយាល័យរបស់ជនបរទេសធ្វើការ តែព្រឹកនិងពេលថ្ងៃ។ ចំណែកយប់ទ្បើង ចាក់សោចោល ក៏ប៉ុន្តែមានអ្នកអ៊ុំស្រីម្នាក់ប្រចាំការនៅផ្ទះនោះ ខណ:ដែលគាត់កំពុងតែសម្រាន្តក៏ឭសំទ្បេងចេញពីក្នុងផ្ទះ ហើយគាត់ក៏ចាក់សោចូលមើលស្មានតែចោរគាស់ផ្ទះមានអីឃើញទុស្សេខ្សែភ្លើង ទើបប្រញាប់ស្ទុះទៅបិទប៉ារ៉ែតភ្លើង តែទោះបីជាយ៉ាងណាអណ្តាតភ្លើងបានឆាបឆេះខ្លាំងទៅហើយ រួចប្រញាប់រត់ចេញមកខាងក្រៅស្រែកឆោឡោផ្អើលដល់ប្រជាពលរដ្ឋដែលនៅជិតនោះ ជួយពន្លត់ និងមានការអន្តគមន៍ភ្លាមៗពីអង្គភាពសង្គ្រោះនិងពន្លត់អគ្គិភ័យផងដែរ។

ក្រោយពីអគ្គិភ័យបានឆាបឆេះការិយាល័យរបស់ជនបរទេសខាងលើជាន់ទី១មានទំហំ៤គុណនឹង៦ម៉ែត្រនេះមក ក៏មានការរាលដាលដល់ផ្ទះរបស់ប្រជាពលរដ្ឋអស់ផ្ទះដែលមានទំហំ ៤គុណនឹង៤ម៉ែត្រ មានជញ្ជំងឈើប្រក់ស័ក្កសី ប្រើរយ:ពេល ជិត ១ម៉ោងបានគ្រប់គ្រងស្ថានភាពបាននិងទ្បានទឹកអស់ចំនួន៨គ្រឿងរបស់អង្គភាពសង្គ្រោះនិងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញ ៕