Post News Media ព័ត៌មានជាតិ រថយន្ត១គ្រឿង ...

រថយន្ត១គ្រឿង បើកក្នុងល្បឿនលឿន រេចង្កូតបុករះ​រ៉ឺម៉ក​ម៉ូតូ​៤​គ្រឿង​ រងរបួស​ធ្ងន់​​ស្រាល​​មនុស្ស​ជា​ច្រើន

ចែកចាយបន្ត

ភ្នំពេញ: កាលពី​វេលា​ម៉ោង ​១០ និង​៤០​នាទី​យប់ថ្ងៃ​ទី​៣ ខែ​វិច្ឆិកា​នេះ មានករណី​បុរស​​ម្នាក់ ​បើក​រថយន្ដ​យ៉ាង​លឿន ក៏​ជ្រុល​ចង្កូត​ទៅ​បុក​រះរ៉ឺម៉ក​ម៉ូតូ​៤​គ្រឿង​ បណ្ដាល​​​ឲ្យរបួស​ធ្ងន់​​ស្រាល​​មនុស្ស​ជា​ច្រើន​នាក់។

ហេតុ​ការណ៍គ្រោះថ្នាក់​នេះ ​បាន​កើត​ឡើ​ងនៅ​តាម​បណ្តោយ​ផ្លូវ​ព្រះ​នរោ​ត្តម​​ក្បែរ​សាកល​វិទ្យាល័យ​បញ្ញា​សាស្ត្រ​កម្ពុជា ស្ថិត​ក្នុង​សង្កាត់​ទន្លេ​បាសាក់ ខណ្ឌ​ចំការ​មន ។

គ្រោះថ្នាក់ដ៏រន្ធត់នេះ គឺនៅពុំ​ទាន់​ដឹង​ច្បាស់អំពីអ្នក​របួស​ប៉ុន្មាននាក់ នៅ​ឡើយ​ទេ ដោយសារក្រោយ​កើត​ហេតុ​ភ្លាម ជនរងគ្រោះ​ត្រូវ​បាន​ដឹក​បញ្ជូន​ទៅ​សង្គ្រោះ​ជា​បន្ទាន់​នៅ​មន្ទីរ​ពេទ្យ និង​ខ្លះ​ទៀត​នៅ​កន្លែង​កើត​ហេតុ​។

តាមសមត្ថកិច្ច ​បាន​ឲ្យ​ដឹង​ថា មុន​ពេល​កើត​ហេតុ គឺ​មានក្មេង​ស្ទាវ​១​ក្រុម ដេញ​វាយ​រថយន្ត​បង្ក​ម៉ាក ហាយ​​ឡែន​ឌ័រ ពណ៌​ទឹក​ប្រាក់ ពាក់​ស្លាក​លេខ ភ្នំពេញ 2AI-1725 ​ដោយ​រថយន្ត​បាន​ព្យា​យា​​ម​បើក​គេច ខណ:​ដែល​ចរាចរណ៍​មាន​សភាព​ចង្អៀន​ខ្លាំងផង​នោះ ក៏​ស្រាប់​តែ​ជ្រុល​មកបុក​រ៉ឺម៉ក​ម៉ូតូ​ទាំង​៤​គ្រឿង​ពេញ​ទំហឹង បណ្តាល​ឲ្យ​មនុស្សជាច្រើនរបួស​ដេក​រដូក​រណែល​ពេញ​ផ្លូវ​តែ​ម្តង។

ក្រោយ​កើត​ហេតុ​រថយន្ត​បង្ក បាន​ព្យាយាម​បើក​គេច ប៉ុន្តែតែ​ត្រូវ​ប្រជា​ពលរដ្ឋ ក៏​ដូច​ជា​សមត្ថកិច្ច​ស្ទាក់​ចាប់​បាន ដោយ​អ្នក​បើក​បរ​ និង​រថយន្ត ត្រូវបានសមត្ថកិច្ចយកទៅ​អធិការដ្ឋាន​នគរបាល​ខណ្ឌ​ចំការមន ដើម្បី​ចាត់​ការ​តាម​ច្បាប់៕

ចែកចាយបន្ត