Post News Media ព័ត៌មានជាតិ ផឹកស្រវឹងទាស់...

ផឹកស្រវឹងទាស់ពាក្យសម្តី យកដុំឥដ្ឋវាយប្អូនថ្លៃ រងរបួសធ្ងន់

ចែកចាយបន្ត

​ព្រៃវែង: សមត្ថកិច្ចឃាត់ខ្លួនបុរសម្នាក់ ពាក់ព័ន្ធនឹងករណីហិង្សា។

ហេតុការណ៍កើតឡើងនៅវេលាម៉ោង៦ និង៣០នាទីយប់ ថ្ងៃទី៣ ខែវិច្ឆិកា ឆ្នាំ២០១៧ នៅចំណុចផ្ទះរបស់លោក ឌឹប ឆន ភេទប្រុស អាយុ ៦៧ឆ្នាំ រស់នៅភូមិតាហ៊េល ឃុំរាធរស្រុកព្រះស្ដេច ខេត្តព្រៃវែង ដោយឈ្មោះ ស បូរើន ភេទប្រុស អាយុ ២៨ឆ្នាំ រស់នៅភូមិក្រញូង ឃុំពោធិ៍អង្ក្រង ស្រុកបសែត ខេត្តកំពង់ស្ពឺ មានប្រពន្ធនៅភូមិតាហ៊េលខ ឃុំរាធរ ស្រុកព្រះស្ដេច ខេត្តព្រៃវែង បានយកដុំឥដ្ឋវាយទៅលើឈ្មោះ គ្រី តុងហេង ភេទប្រុស អាយុ ៣៣ឆ្នាំ រស់នៅភូមិ តាហ៊េល ឃុំរាធរ ស្រុកព្រះស្ដេច ខេត្តព្រៃវែង ដែលត្រូវជាបងប្អូនថ្លៃ បានបណ្តាលឲ្យរបួសចំពីលើក្បាលមួយកន្លែង។

តាមសាក្សីដែលឃើញហេតុការណ៍បានឲ្យដឹងថា មូលហេតុកើតឡើងពីការមានទំនាស់ពេលផឹកស្រាស្រវឹង ទើបឈានដល់មានហិង្សាតែម្តង។ បច្ចុប្បន្នជនរងគ្រោះត្រូវបានបញ្ជូនទៅមណ្ឌលសុខភាពឃុំរាធរ រីឯជនបង្កហេតុ ត្រូវបានសមត្ថកិច្ចឃាត់ខ្លួននៅប៉ុស្ដិ៍នគរបាលរដ្ឋបាលរាធរ និងកំពុងកសាងសំណុំរឿងទៅតាមនីតិវិធី៕