Post News Media ព័ត៌មានជាតិ គ្រោះថ្នាក់ចរ...

គ្រោះថ្នាក់ចរាចរណ៍រវាងរថយន្តនិងម៉ូតូ បណ្តាលឲ្យយុវជន២នាក់ រងរបួសធ្ងន់ស្រាល

ចែកចាយបន្ត

​តាកែវ: ករណីគ្រោះថ្នាក់ចរាចរណ៍មួយបានកើតឡើងរវាងរថយន្តនិងម៉ូតូ បណ្តាលឲ្យយុវជន២នាក់ រងរបួសធ្ងន់ស្រាល។
ហេតុការណ៍កើតឡើងនៅវេលាម៉ោង៥ និង៥០នាទីល្ងាច ថ្ងៃទី៥ ខែវិច្ឆិកា ឆ្នាំ២០១៧ នៅលើផ្លូវជាតិលេខ៣ ចន្លោះបង្គោលគីឡូម៉ែត្រ៣៧-៣៨ ត្រង់ចំណុចភូមិទួលអង្គ ស្រុកបាទី ខេត្តតាកែវ។

រថយន្តម៉ាកហ្វតរែនជ័រ ពណ៌ស មិនចាំស្លាកលេខ អ្នកបើកបរមិនស្គាល់អត្តសញ្ញាណ បើកបរពីជើងទៅត្បូង បានបុកជាមួយម៉ូតូក្នុងទិសដៅបញ្រ្ចាសគ្នា ម៉ាកហុងដា សេ១២៥ ពណ៌ខ្មៅ ស៊េរី២០១៤ ពាក់ស្លាកលេខ តាកែវ1J-5758 ជិះដោយឈ្មោះ ហ៊ីម សីហា ភេទប្រុស អាយុ១៩ឆ្នាំ ស្នាក់នៅភូមិគ ឃុំអង្គស្នោ ស្រុកទ្រាំង ខេត្តតាកែវ(របួស្រាស) និងអ្នករួមដំណើរឈ្មោះ ប្រាក់ ចាន់គ្រីវឌ្ឍន: ភេទប្រុស អាយុ១៧ឆ្នាំ ស្នាក់នៅភូមិព្រៃបាយ ឃុំពេជស ស្រុកកោះអណ្តែត ខេត្តតាកែវ (របួសធ្ងន់)។

ក្រោយពេលកើតហេតុ រថយន្តបានបើករត់គេចខ្លួនបាត់ស្រមោល។ ចំណែកជនរងគ្រោះទាំង២នាក់ បានបញ្ជូនទៅសង្គ្រោះនៅមណ្ឌលសុខភាពអង្គពពេល៕

ចែកចាយបន្ត