Post News Media ព័ត៌មានជាតិ លឿនរាងខ្លួន! ...

លឿនរាងខ្លួន! នីសាន់បុកជាមួយម៉ូតូវ៉េវ ស្លាប់ម្នាក់មិនស្គាល់អត្តសញ្ញាណ!

ចែកចាយបន្ត

ត្បូងឃ្មុំ: ករណីគ្រោះថ្នាក់ចរាចរណ៍មួយរវាងរថយន្តម៉ាកនីសាន់ បុកជាមួយម៉ូតូវ៉េវ បណ្តាលឲ្យបុរសម្នាក់ស្លាប់យ៉ាងអាណោចអាធ័ម និងមិនស្គាល់អត្តសញ្ញាណនៅឡើយ។

ហេតុការណ៍នេះកើតឡើងកាលពីវេលាម៉ោង៤និង៥០នាទី ថ្ងៃទី៤ ខែវិច្ឆិកា ឆ្នាំ២០១៧ ស្ថិតនៅចំណុចចន្លោះបង្គោលគីឡូម៉ែត្រលេខ២៩-៣០ ស្ថិតនៅភូមភូមិស្វាយពពាស់ ឃុំតំបែរ ស្រុកតំបែរ ខេត្តត្បូងឃ្មុំ។

បញ្ជាក់ថា គ្រោះថ្នាក់ចរាចរណ៍នេះ កើតឡើងរវាងរថយន្តម៉ាកនីសាន់ ស្លាកលេខ ត្បូងឃ្មុំ 2A-0140 ពណ៌ប្រផេះ អ្នកបើកបរមិនស្គាល់អត្តសញាណគេចខ្លួនបាត់ បើកក្នុងទិសដៅពីជេីងទៅត្បូង បានបុកជាមួយម៉ូតូម៉ាកវ៉េវឆ្លាមកែច្នៃ ពណ៌ខ្មៅ គ្មានស្លាកលេខ ដែកំពុងបើកបរបញ្ច្រាសទិសគ្នា បណ្តាលឲ្យស្លាប់យ៉ាងអាណោចអាធ័ម រហូតដល់ពេលនេះនៅមិនអាចទាក់ទងទៅក្រុមគ្រួសារសពបាននៅឡេីយ៕

ក្រោយកើតហេតុ សមត្ថកិច្ចបានធ្វើការវាស់វែង យករថយន្តនិងម៉ូតូទៅរក្សាទុកនៅអធិការដ្ឋាននគរបាលស្រុកតំបែរ ដើម្បីកសាងសំណុំរឿងតាមនិតិវិធីច្បាប់៕