Post News Media ព័ត៌មានជាតិ លួចគេវាគ្រាន់...

លួចគេវាគ្រាន់ ម្ចាស់គេទាន់វាយបែកក្បាល ប្រគល់ឲ្យសមត្ថកិច្ច

ចែកចាយបន្ត

ភ្នំពេញ: ជនសង្ស័យម្នាក់ បានធ្វើសកម្មភាពគាស់ផ្ទះប្រជាពលរដ្ឋមិនបានសម្រេច ត្រូវបានប្រជាពលរដ្ឋឃាត់ខ្លួនបានវាយមួយដៃមួយជើងបែកក្បាលហូរឈាមស្រោចខ្លួន ហើយបានប្រគល់ឲ្យសមត្ថកិច្ចនគរបាលប៉ុស្តិ៍ព្រៃស យកមកសាកសួរ។
ហេតុការណ៍នេះកើតឡើងកាលពីវេលាម៉ោង១១ និង៣០នាទីព្រឹក ថ្ងៃទី៦ ខែវិច្ឆិកា ឆ្នាំ២០១៧ ស្ថិតនៅក្នុងភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ។

ជនសង្ស័យមានឈ្មោះ កូ វ៉ិតឈាវ ភេទប្រុស អាយុ១៩ឆ្នាំ មុខរបរ មិនពិតប្រាកដ ស្នាក់នៅផ្ទះជួល ភូមិបាគូ សង្កាត់ដង្កោ ខណ្ឌដង្កោ មានស្រុកកំណើតនៅភូមិព្រែកខ្សាយ ឃុំព្រែកខ្សាយ ស្រុកពាមរក៍ ខេត្តព្រៃវែង។

សមត្ថកិច្ចបានឲ្យដឹងថា មុនពេលដែលជនសង្ស័យបានចូលទៅធ្វើសកម្មភាពគាស់ផ្ទះដោយនៅក្នុងដៃមានកាន់កូនកាំបិតមួយ ហើយបានដើរចូលទៅផ្ទះប្រជាពលរដ្ឋ ដែលម្ចាស់មិនបាននៅហើយក៏ធ្វើសកម្មភាពគាស់ទ្វារតែមិនបានសម្រេច ដោយមានអ្នកជិតខាងបានឃើញហើយក៏បានស្រែកសួរ ស្រាប់តែពេលនោះជនសង្ស័យភ័យពេកបានរត់ផ្លោះរបងតែរត់មិនរួចក៏ត្រូវប្រជាពលរដ្ឋដែលនៅក្បែរនោះបានដេញចាប់បានហើយបានរាយការណ៍ឲ្យសមត្ថកិច្ចនាំខ្លួនមកកាន់ប៉ុស្តិ៍នគរបាលព្រៃសសួរនាំ។

បច្ចុប្បន្ន ជនសង្ស័យខាងលើកំពុងតែសាកសួរនៅប៉ុស្តិ៍នគរបាលព្រៃស កសាងសំណុំរឿងបន្តទៅអធិការដ្ឋាននគរបាលខណ្ឌដង្កោ ចាត់ការនិងកសាងសំណុំរឿងបញ្ជូនទៅតុលាការចាត់ការបន្តរតាមនិតិវិធីច្បា់៕

ចែកចាយបន្ត