Post News Media ព័ត៌មានជាតិ រថយន្តក្រុមហ៊...

រថយន្តក្រុមហ៊ុនរាជសីហ៍ឡូជីស្ទីក បុកកូរូឡាខ្ទាតជាង១០០ម៉ែត្រ ធ្លាក់ចូលប្រឡាយខូចខាតយ៉ាងដំណំ

ចែកចាយបន្ត

ភ្នំពេញ: រថយន្តហ៊ីណូមួយគ្រឿង បើកក្នុងល្បឿនលឿន ជាន់ហ្វ្រាំងមិនជាប់ ក៏ជ្រុលចង្កូតទៅបុករថយន្តកូរូឡាចតស្ងៀម បណ្ដាឲ្យខ្ទាតជាង១០០ម៉ែត្រ ធ្លាក់ចូលប្រឡាយរងការខូចខាតយ៉ាងដំណំ តែសំណាងល្អបង្កឲ្យមាននរណាម្នាក់រងរបួសនោះទេ។

ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោង ៥និង៣០នាទីព្រឹកថ្ងៃទី៧ ខែវិច្ឆិកា ឆ្នាំ២០១៧ ស្ថិតតាមបណ្តោយផ្លូវអូរឌឹមកប់ស្រូវ ភូមិទួលសំពៅ សង្កាត់គោករការ ខណ្ឌព្រែកព្នៅ រាជធានីភ្នំពេញ។

រថយន្តបង្កម៉ាកហ៊ីណូ ពណ៌ស ពាក់ស្លាកលេខព្រះសីហនុ 3A-3135 របស់ក្រុមហ៊ុនរាជសីហ៍ឡូជីស្ទីក ចំណែករថយន្តរងគ្រោះ ម៉ាកកូរូឡា ពណ៌ប្រផេះ ពាក់ស្លាកលេខភ្នំពេញ 2D-8835។

ប្រភពពត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ មានរថយន្តមួយគ្រឿងម៉ាកកូរូឡា ពណ៌ប្រផេះ ចតស្ងៀមតាមចិញ្ចើមផ្លូវ ដោយក្បាលរថយន្តបែទៅទិសខាងកើត ខណ:ម្ចាស់រថយន្ត បានចុះចេញពីរថយន្ត ក៏ស្រាប់តែមានរថយន្តមួយគ្រឿងទៀត ម៉ាកហ៊ីណូ បើកក្នុងល្បឿនយ៉ាងលឿន តាមបណ្តោយផ្លូវអូរឌឹមកប់ស្រូវ ទិសដៅពីលិចទៅកើត លុះមកដល់ចំណុចកើតហេតុ ជាន់ហ្វ្រាងមិនជាប់ក៏ជ្រុលចង្កូតមកបុករថយន្តកូរូឡាពីក្រោយពេញទំហឹងខ្ទាតជាង១០០ម៉ែត្រ បណ្ដាលឲ្យធ្លាក់ប្រឡាយ។

តាមសមត្ថកិច្ច បានបន្ថែមថា រថយន្តកូរូឡាខូចខាតកំណាត់ក្រោយយ៉ាងដំណំ រីឯរថយន្តបង្កកំពិតកាងមុខ និងស្លាកលេខ នៅក្នុងហេតុការណ៍នេះ មិនបង្កឲ្យមានមនុស្សរងរបួសនោះទេ។ ក្រោយកើតហេតុ ភាគីទាំងសងខាងចរចាគ្នាបញ្ចប់រឿង ដោយភាគីរថយន្តហ៊ីណូ សុខចិត្តសងសំណង២០០០ដុល្លារ ដល់រថយន្តជនរងគ្រោះ៕

ចែកចាយបន្ត