Post News Media ព័ត៌មានជាតិ កាប់រលំដើមឈើទ...

កាប់រលំដើមឈើទាលក្នុងវត្តឈូក សង្កត់ប្រជាពលរដ្ឋនិងព្រះសង្ឃ ស្លាប់និងរបួសជាច្រើននាក់!

ចែកចាយបន្ត

ព្រៃវែង: មានហេតុការណ៍គួរឲ្យរន្ធត់មួយបានកើតឡើង បន្ទាប់ពីមានការរំលំដើមឈើទាលមួយដើម សង្កត់បុរសម្នាក់ស្លាប់និងម្នាក់ទៀតរបួស រួមនឹងព្រះសង្ឃ២អង្គទៀត បណ្តាលឲ្យរបួសដូចគ្នា ត្រូវបានបញ្ជូនទៅសង្គ្រោះនៅមន្ទីរពេទ្យ។

ករណីនេះកើតឡើងនៅម៉ោង៩និង១០នាទី ព្រឹកថ្ងៃទី៧ ខែវិច្ឆិកា ឆ្នាំ២០១៧ ក្នុងវត្តឈូក ភូមិឈូក ឃុំស៊ាងឃ្វាង ស្រុកកំចាយមារ ខេត្តព្រៃវែង។

អ្នកដែលត្រូវដើមឈើទៀល រំលំសង្កត់ខាងលើនេះ ទី១ឈ្មោះ ប៊ុន ធឿន ភេទប្រុស អាយុ៥៤ឆ្នាំ ស្នាក់នៅភូមិដូងវាល ឃុំក្តឿងរាយ ស្រុកកញ្ច្រៀច​ (ស្លាប់ក្រោយបញ្ជូនដល់មន្ទីរពេទ្យ) , ទី២ឈ្មោះ វា ខ្លា ភេទប្រុស អាយុ៤៧ឆ្នាំ ស្នាក់នៅភូមិក្តឿងរាយ ឃុំក្តឿងរាយ ស្រុកកញ្ច្រៀច (រងរបួស) ទី៣ព្រះសង្ឃព្រះនាម សូ កុសល់ ព្រះជន្ម១៧ព្រះវស្សា គង់នៅវត្តខាងលើ(រងរបួស) និងទី៤ព្រះសង្ឃ ព្រះនាម គង់ អូន ព្រះជន្ម១៨ព្រះវស្សា គង់នៅវត្តខាងលើ (រងរបួស)។

តាមការឲ្យដឹងពីសមត្ថកិច្ចបានឲ្យដឹងថា មុនពេលកើតហេតុ ជនរងគ្រោះទាំង៤នាក់ រួមនឹងម្ចាស់កុងតឺន័រ ២នាក់ទៀតឈ្មោះ ឆោម ម៉ុន និងឈ្មោះ​វ៉ា ដូ បាននាំគ្នាកាប់រំលំដើមឈើទាលមួយដើមនៅក្នុងវត្តដើម្បីយកមកធ្វើកុដ ខណ:នោះពួកគាត់បានយកខ្សែពួមួយខ្សែទំហំប្រហែល២សង់ទីម៉ែត្រ ប្រវែង៧៥សង់ទីម៉ែត្រ ចងភ្ជាប់ដើមឈើដើម្បីទាញផ្តួល និងបានចងខ្សែពួរពទ្ធ័ទាញអមត្រឹមត្រូវ តែសំណាងអាក្រក់ក៏វ៉ាត់ខ្សែពួរំលំដើមឈើទាលដែលកាត់នោះ មកសង្កត់លើជនរងគ្រោះទាំង៤នាក់ បណ្តាលឲ្យបុរសម្នាក់ស្លាប់ពាក់កណ្តាលផ្លូវ ពេលបញ្ជូនដល់មន្ទីរពេទ្យ និងម្នាក់ទៀត រួមនឹងព្រះសង្ឃ២អង្គទៀតរងរបួសបែបនេះតែម្តង៕

ចែកចាយបន្ត