Post News Media ព័ត៌មានជាតិ កុំចង់ខ្លាំង!...

កុំចង់ខ្លាំង! ស្រវឹងស្រឿងៗ បុកគេហើយកាងបក្ខពួកវាយទាំងប៉ូលិសទៀតផ្អើលពេញផ្លូវ២០០៤

ចែកចាយបន្ត

ភ្នំពេញ: ករណីរថយន្តមួយគ្រឿង ម៉ាកស្តារិច ដឹកបន្លែ កំពុងតែថយរថយន្តចូលផ្សារស្រាប់តែមានបុរសម្នាក់ បើករម៉កកង់បី មកបុកជាមួយរថយន្តរបស់គាត់ ឈានទៅដល់ការប្រើហិង្សាប្រតាយប្រតប់គ្នាផ្អើលប្រជាពលរដ្ឋពេញផ្លូវ។

ហេតុការណ៍នេះកើតឡើងកាលពីវេលាម៉ោង៣និង៥០នាទីទៀបភ្លឺថ្ងៃទី៨ ខែវិច្ឆិកា ឆ្នាំ២០១៧ ស្ថិតនៅតាមបណ្តោយផ្លូវ២០០៤ សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តមួយគ្រឿងម៉ាកស្តារិច ពាក់ស្លាកលេខ 2V-0859 បើកបរដោយបុរសម្នាក់ កំពុងតែរយ៉ែគូថរថយន្តចូលផ្សារទម្លាក់បន្លែ ស្រាប់តែមានរម៉ក់កង់បី ទើបចេញពីជប់លាង ស្រវឹងស្រឿងៗ ជិះមកបុករថយន្តនោះ ទើបម្ចាស់រថយន្តដើរទៅហៅសមត្ថកិច្ចតែចប់ម៉ោងធ្វើការគាត់កំពុងសម្រាកស្លៀកពាក់ស៊ីវិល ហើយគាត់ក៏បានដើរមកសួរថា មួយណាម្ចាស់កង់បី ស្រាប់តែមានបុរសម្នាក់ស្រវឹងធ្លាក់ភ្នែក ជាបក្ខពួករបស់ខាងភាគីរម៉ក់កង់បីនោះជិះម៉ូតូម៉ាកPCX ពណ៌ស ពាក់ស្លាកលេខ ភ្នំពេញ 1GM-2922 មកដល់ឈប់ហើយក៏សួរពូដែរសួររកម្ចាស់កង់បីនោះថា នឹងមែនប៉ូលិស? រួចផ្ទុះវាយគាត់មួយដៃចំសៀតផ្កា ចំណែកម្ចាស់កង់បីនិងអ្នករួមដំណើរជាមួយគ្នានោះ បានព្រួតវាយគាត់បែកក្បាលហូរឈាមគាត់ ផ្អើលប្រជាពលរដ្ឋចាប់វាយភាគីម៉ូតូPCX នឹងម្ចាស់រម៉កកង់បីនោះម្នាក់មួយដៃម្នាក់មួយជើង ហើមមុខហើមមាត់ ព្រោះខឹងថា គាត់មកសួរត្រឹមត្រូវសោះ តែបែរជាវាយគាត់ទៅវិញ។

ក្រោយពេលកើតហេតុសម្ថកិច្ចបានយកបក្ខពួករបស់រម៉ក់កង់បីនោះមកប៉ុស្តិ៍ដើម្បីធ្វើការសាកសួរ និងឲ្យជនរងគ្រោះដាក់ពាក្យបណ្តឹងទៅសមត្ថកិច្ចដើម្បីចាត់ការតាមនិតិវិធីច្បាប់។ រីឯរថយន្តនិងរម៉ក់កង់បីវិញ ត្រូវបានសមត្ថកិច្ចវាស់វែងយកមករក្សាទុកនៅប៉ុស្តិ៍ដើម្បីរង់ចាំដោះស្រាយនៅពេលក្រោយ៕

ចែកចាយបន្ត