Post News Media ព័ត៌មានជាតិ ចុម! ជួញដូរគ្...

ចុម! ជួញដូរគ្រឿងញៀនហើយ នៅមានទាំងកាំភ្លើងកែច្នៃ​២ដើមទៀត

ចែកចាយបន្ត

ពោធិ៍សាត់: លោកវរសេនីយ៍ត្រី ធាង ឡេង អធិការស្រុកវាលវែង បានប្រាប់ Post News ថា ឃាត់ខ្លួនជនសង្ស័យ២នាក់ ពាក់ព័ន្ធនឹងករណីជួញដូរដោយខុសច្បាប់នូវសារធាតុ។

ការចាប់ឃាត់ខ្លួននេះបានធ្វើឡើងនៅវេលាម៉ោង៩ និង៣០នាទីយប់ ថ្ងៃទី៩ ខែ វិច្ឆិកា ឆ្នាំ ២០១៧ ត្រង់ចំណុចភូមិ ដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់។

ជនសង្ស័យចំនួន២នាក់ ទី១មានឈ្មោះ គុណ សុខគា ភេទប្រុស អាយុ៣៧ឆ្នាំ (អ្នកលក់ថ្នាំញៀន) និងទី២ឈ្មោះ សេង តុលា ហៅតុ អាយុ១៩ឆ្នាំ (អ្នកទិញថ្នាំញៀន) អ្នកទាំង២ រស់នៅភូមិដីក្រហម ឃុំ អន្លង់រាប ស្រុកវាលវែង ខេត្តពោធិ៍សាត់។

ក្នុងនោះដកហូតបានវត្ថុតាងរួមមាន: ម្សៅក្រាមសថ្លាសង្ស័យគ្រឿងញៀនចំនួន៨កញ្ចប់តូច ទម្ងន់១.៥៩ក្រាម,លុយខ្មែរចំនួន១០៥,០០០រៀល (ដប់ម៉ឺនប្រាំពាន់រៀល),ទូរសព្ទដៃចំនួន២គ្រឿង(ម៉ាកNokia Nចុចពិល ពណ៌ផ្ទៃមេឃនិងពណ៌ខ្មៅ) និង អាវុធកែច្នៃចំនួន២ដើម( ប្រភទឆ្នុក១ដើម និងប្រភេទខ្យល់១ដើម)និងគ្រាប់ចំនួន២៦គ្រាប់។

ចំពោះករណីខាងលើ សមត្ថកិច្ចយើងកំពុងកសាងសំណុំចាត់តាមផ្លូវច្បាប់៕

ចែកចាយបន្ត