Post News Media ព័ត៌មានជាតិ បង្ក្រាបមុខសញ...

បង្ក្រាបមុខសញ្ញាជួញដូរគ្រឿងញៀនម្នាក់ ដកហូតបានថ្នាំញៀនជាង៤០០គ្រាប់!!!

ចែកចាយបន្ត

បាត់ដំបង: លោកវរសេនីយ៍ទោ​ សុង​ សុភ័ក្រ្ត​ អធិការនគរបាលស្រុកភ្នំព្រឹក បានប្រាប់Post Newsថា មានការចុះបង្ក្រាបនិងឃាត់ខ្លួនជនសង្ស័យម្នាក់ ដកហូតបានថ្នាំញៀនជាង៤០០គ្រាប់។

ការឃាត់ខ្លួននេះបានធ្វើឡើងកាលពីវេលាម៉ោង៩និង៣០នាទី ថ្ងៃទី៩ ខែវិច្ឆិកា ឆ្នាំ២០១៧ ​នៅចំណុចក្រុមទី១ ភូមិអូរថ្មី ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។

ជនសង្ស័យដែលសមត្ថកិច្ចបង្ក្រាបបានខាងលើនេះមានឈ្មោះ ម៉េង សំអុល ភេទប្រុស អាយុ៣២ឆ្នាំ​ មុខរបរកម្មករ ស្នាក់នៅភូមិឃុំខាងលើ
ដកហូតបាន ថ្នាំគ្រាប់រាងមូលសំប៉ែត ពណ៌ផ្កាឈូក មានអក្សរបរទេសលើគ្រាប់ថ្នាំ សញ្ញា WY និង សញ្ញា R សង្ស័យមានសាធាតុញៀនចំនួន ៤១០គ្រាប់, ម្សៅក្រាមពណ៌សថ្លា ១កញ្ចប់តូច រួមនឹងឧបករណ៍ប្រើប្រាស់ និងវេចខ្ចប់គ្រឿងញៀន មួយចំនួន។

បច្ចុប្បន្នជនសង្ស័យខាងលើ រួមនឹងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនខ្លួនទៅកាន់សាលាដំបូងខេត្តចាត់ការតាមច្បាប់បន្តទៀត៕

ចែកចាយបន្ត