Post News Media ព័ត៌មានជាតិ ឃើញគ្នាចុះពីល...

ឃើញគ្នាចុះពីលើកន្ត្រកវិលឆក់ខ្សែភ្លើង បែរជាប្រញាប់នាំគ្នាលើកយកទៅបោះចូលភក់ រួចគេចខ្លួនបាត់!

ចែកចាយបន្ត

ភ្នំពេញ: ក្មេងស្រីម្នាក់ ក្រោយពីជិះកន្រ្តកវិលហើយ ពេលកន្រ្តកវិលនោះឈប់ឲ្យចុះ ស្រាប់តែក្មេងស្រីម្នាក់ក្នុងចំណោមក្មេងស្រី២នាក់ទៀតចុះមកពីលើកន្រ្តកវិលនោះជាន់ខ្សែភ្លើង បណ្តាលឲ្យឆក់ស្លាប់ក្រោយពេលបញ្ជូនមកដល់មណ្ឌលសុខភាពក្រាំងធ្នង់។

ហេតុការណ៍ដ៏ភ្ញាក់ផ្អើលនេះកើតឡើងកាលពីវេលាម៉ោង ៨យប់ ថ្ងៃទី១២ ខែវិច្ឆិកា ឆ្នាំ២០១៧ ស្ថិតក្នុងភូមិអង្រ្គង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញក្មេងស្រី៣នាក់ ឡើងជិះកន្រ្តកវិលកម្សាន្ត ក្រោយពេលកន្រ្តកវិលនោះឈប់ហើយក្មេងស្រីម្នាក់ក្នុងចំណោមក្មេងស្រី២នាក់ បានចុះមកមុនគេ ស្រាប់តែចុះមកដល់ដីសង្ស័យថាជាន់ខ្សែភ្លើងឆក់ហើយសន្លប់ស្តូកស្តឹងនៅកន្លែងកើតហេតុ ហើយក្រោយពេលកើតហេតុម្ចាស់កន្រ្តកវិលនោះបាននាំគ្នាយកក្មេងស្រីម្នាក់នោះយកទៅបោះចូលភក់ហើយក៏បាននាំគ្នារត់គេចខ្លួនពីកន្លែងកើតហេតុបាត់ស្រមោលឈឹង តែត្រូវបានប្រជាពលរដ្ឋឃើញក៏បានយកជនរងគ្រោះមកជួយសង្រ្គោះនៅមណ្ឌលសុខភាពក្រាំងធ្នង់​តែក្រោយពេលយកមកដល់ពេទ្យ ក្រុមគ្រូពេទ្យបានប្រាប់ថាជនរងគ្រោះបានស្លាប់បាត់បង់ជីវិតបាត់ទៅហើយ ។

ក្រោយពេលកើតហេតុសមត្ថកិច្ចជំនាញបានចុះមកធ្វើកោសល្យវិច័យហើយជំហានដំបូងសម្ថកិច្ចសនិដ្ឋានថាសពនោះបានស្លាប់បាត់បង់ជីវិតដោយសារតែចុះពីលើកន្រ្តកវិលហើយចុះមកដល់ដីជាន់ខ្សែភ្លើងឆក់ស្លាប់។ យ៉ាងណាមិញសមត្ថកិច្ចជំនាញកំពុងតែធ្វើកាកោសល្យវិច័យបន្តនិងស្រាវជ្រាវរកម្ចាស់កន្រ្តកវិលនោះមកធ្វើការសាកសួរបន្តទៀតបច្ចុប្បន្នសមត្ថកិច្ចបានប្រគល់សាកសពឲ្យទៅក្រុមគ្រួសារដើម្បីធ្វើបុណ្យតាមប្រពៃណី ៕

ចែកចាយបន្ត