Post News Media ព័ត៌មានជាតិ សាហាវណាស់! ឃា...

សាហាវណាស់! ឃាតកម្មចាក់សម្លាប់យុវជនម្នាក់ក្នុងបន្ទប់ទឹកផ្ទះជួលទាំងអាក្រាតកាយ ដោយមិនទាន់ដឹងមូលហេតុ!

ចែកចាយបន្ត

សៀមរាប: លោកវរសេនីយ៍ទោ ជី បេងជន អធិការនគរបាលស្រុកក្រឡាញ់ បានប្រាប់Post Newsថា មានករណីឃាតកម្មមួយបានកើតឡើង ដោយយុវជនម្នាក់ ត្រូវឃាតកចាក់សម្លាប់សុះពេញបណ្តាលឲ្យស្លាប់ក្នុងថ្លុកឈាមក្នុងបន្ទប់ទឹកនៃផ្ទះជួលយ៉ាងរន្ធត់!។

ករណីនេះកើតឡើងតាំងពីម៉ោង៦ព្រឹក ថ្ងៃទី១៤ ខែវិច្ឆិកា ឆ្នាំ២០១៧ ស្ថិតនៅចំណុចបន្ទប់ផ្ទះជួលស្ថិតភូមិ ចំបក់ហែរ ឃុំ កំពង់ថ្កូវ ស្រុកក្រឡាញ់ ខេត្ត សៀមរាប។

ជនរងគ្រោះឈ្មោះ រួន រ៉ា ភេទ ប្រុស អាយុ ២២ឆ្នាំ មុខរបរកាត់តែមម៉ូតូ និងបិទស្កុតម៉ូតូ មានស្រុកកំណើត ភូមិគគរ ឃុំដូង ស្រុកបាឡាំង ខេត្តកំពង់ធំ ស្នាក់នៅបណ្តោះអាសន្ន ភូមិចំបក់ហែរ ឃុំកំពង់ថ្កូវ ស្រុកក្រឡាញ់ ខេត្តសៀមរាប ។

តាមការពិនិត្យរបស់សមត្ថកិច្ចជំនាញ​ នៅលើសាកសពមានស្នាមចាក់នឹងកាំបិតផ្នែកខាងក្រោយបោះដៃផុតខាងស្តាំ ២កន្លែង នៅចង្កេះខាងស្តាំ ១កន្លែង និងមានស្នាមចាក់នៅដើមដោះខាងឆ្វេង ១កន្លែង ខាងស្តាំ១កន្លែង។ ដូច្នេះសមត្ថកិច្ចសន្និដ្ឋានករណីនេះជាករណីឃាតកម្ម ហើយជនដៃដល់សមត្ថកិច្ចកំពុងស្រាវជ្រាវតាមចាប់ខ្លួនយកមកផ្តន្ទាទោសតាមច្បាប់។ ចំណែកសពបានប្រគល់ឲ្យក្រុមគ្រួសារធ្វើបុណ្យតាមប្រពៃណី៕

ចែកចាយបន្ត