Post News Media ព័ត៌មានជាតិ លឿនពេក បុកគ្ន...

លឿនពេក បុកគ្នា​ម្តង៣តង់!

ចែកចាយបន្ត

តាកែវ: មានករណីគ្រោះថ្នាក់ចរាចរណ៍មួយបានកើតឡើង ដោយមានម៉ូតូចំនួន៣គ្រឿងរួមនឹងគោយន្តមួយគ្រឿង បានបុកគ្នាជាបន្តបន្ទាប់ រហូតបណ្តាលឲ្យមនុស្ស២នាក់របួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្តតាកែវ។

ហេតុការណ៍នេះកើតឡើងនៅម៉ោង៦និង១៥នាទីល្ងាច ថ្ងៃទី៦ ខែធ្នូ ឆ្នាំ២០១៧ ស្ថិតនៅលើផ្លូវលេខ ១២៩E ចំណុចភូមិរមេញខាងជើង ឃុំរមេង ស្រុកកោះអណ្តែត ខេត្តតាកែវ។

ករណីគ្រោះថ្នាក់ចរាចរណ៍នេះ កើតឡើងដោយម៉ូតូម៉ាកសេ១២៥ ពណ៌ខ្មៅ ស៊េរីឆ្នាំ២០១៦ ពាក់ស្លាកលេខ តាកែវ 1M-1263 បើកដោយបុរសម្នាក់ បានមកកៀរគោយន្តបណ្តាលឲ្យដួល រួចក៏មានម៉ូតូសេ១២៥ ពណ៌ខ្មៅ ស៊េរីឆ្នាំ២០០៩ ពាក់ស្លាកលេខ តាកែវ 1B-9330 ជិះដោយបុរសម្នាក់ បានមកបុកគោយន្តពីក្រោយ ពេញទំហឹង បណ្តាលឲ្យរបួសធ្ងន់ បន្ទាប់មកក៏មានម៉ូតូមួយគ្រឿងទៀត ម៉ាកគុបមូល ៥០ ពណ៌សំបកឪឡឹក បានមកបុកម៉ូតូសង់ ដែលដួលដំបូងគេ ពេញទំហឹងបន្ថែមទៀត បណ្តាលឲ្យរបួសធ្ងន់ តែម្តង។

ក្រោយកើតហេតុ សមត្ថកិច្ចបានធ្វើការវាស់វែងបញ្ជូនជនរងគ្រោះដែលរបួសធ្ងន់ទាំង២នាក់ទៅសង្គ្រោះបន្ទាន់នៅមន្ទីរពេទ្យខេត្តតាកែវ ចំណែកម៉ូតូនិងគោយន្ត ត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុក រង់ចាំដោះស្រាយតាមច្បាប់បន្តទៀត៕

ចែកចាយបន្ត