Post News Media ព័ត៌មានជាតិ ឡូយពេក! ជិះម៉...

ឡូយពេក! ជិះម៉ូតូជ្រែគេជ្រែឯង ទាក់ដៃចង្កូតខ្ទាតចូលរថយន្តរងរបួសធ្ងន់!

ចែកចាយបន្ត

ភ្នំ្នពេញ: យុវជនម្នាក់ជិះម៉ូតូជ្រែគេជ្រែឯងទាក់ដៃចង្កូតដួលខ្ទាតចូលរថយន្តវៀចកង់ម៉ូតូមុខក្រោយ សំណាងល្អមនុស្សខ្ទាតចេញក្រៅរងរបួសធ្ងន់។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៦និង៤០នាទីព្រឹក ថ្ងៃទី៧ ខែធ្នូ ឆ្នាំ២០១៧ តាមបណ្តោយផ្លូវជាតិលេខ៥នៅចំណុចទល់មុខដាយមិនសោនខេធីវី ភូមិឡកំបោ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។

យុវជនជិះម៉ូតូខាងលើឈ្មោះ ពៅ លីណា អាយុ១៨ឆ្នាំ ស្នាក់ភូមិសំរោងត្បូង សង្កាត់សំរោង ខណ្ឌព្រែកព្នៅ រាជធានីភ្នំពេញ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុមានយុវជនម្នាក់ជិះម៉ូតូម៉ាកឌ្រីម ស៊េរីឆ្នាំ២០០៧ ពណ៌ខ្មៅ ពាក់ស្លាកលេខ កណ្តាល1D 8849 តាមបណ្តោយផ្លូវជាតិលេខ៥ ទិសដៅពីត្បូងទៅជើងលុះមកដល់ចំណុចកើតហេតុ បានជ្រែគេជ្រែឯងទាក់ដៃចង្កូតម៉ូតូមួយគ្រឿងទៀត បើកស្របទិសគ្នាមិនចាំម៉ាក ខ្ទាតចូលខាងមុខរថយន្ត ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ3A 5580ដែលបើកបញ្ច្រាសទិសគ្នា បណ្តាលឲ្យខ្ទាតចេញក្រៅរងរបួសធ្ងន់ ត្រូវបានដឹកទៅសង្គ្រោះនៅគ្លីនិកឯកជនក្បែរកន្លែងកើតហេតុ។

ក្រោយពេលកើតហេតុសមត្ថកិច្ចមូលដ្ឋានបានទៅដល់និងធ្វើកាវាស់វែងយកម៉ូតូនិងរថយន្តទុកចិញ្ចើមផ្លូវ ហើយសាច់ញាតិយុវជនរងរបួសខាងលើបានសម្របសម្រួលគ្នាជាមួយភាគីខាងរថយន្តដោយភាគីរថយន្តសុខចិត្តព្រមព្រាងចេញថ្លៃព្យាបាលនិងជួលជុលម៉ូតូ៦៥០ដុល្លារបញ្ចប់រឿងនៅកន្លែងកើតហេតុ៕

ចែកចាយបន្ត