Post News Media ព័ត៌មានជាតិ គ្រោះថ្នាក់ចរ...

គ្រោះថ្នាក់ចរាចរណ៍រវាងម៉ូតូ២គ្រឿង សា្លប់ម្នាក់ របួសធ្ងន់២នាក់ នៅកំពង់ស្ពឺ

ចែកចាយបន្ត

កំពង់ស្ពឺ: ករណីគ្រោះថ្នាក់ចរាចរណ៍ដ៏រន្ធត់មួយ បានកើតឡើង រវាងម៉ូតូ២គ្រឿងបុកគ្នាពេញទំហឹង បណ្តាលឲ្យរបួសធ្ងន់ចំនួន២នាក់ និងស្លាប់ម្នាក់ភ្លាមៗ នៅនឹងកន្លែង។

ហេតុការណ៍នេះបានកើតឡើង កាលពីវេលាម៉ោង៣និង៣០នាទី ថ្ងៃទី៦ ខែធ្នូ ឆ្នាំ២០១៧ ស្ថិតលើផ្លូវក្រាលគ្រួសក្រហម ភូមិទ័ពម្រាក់ ឃុំកក់ ស្រុកបសេដ្ឋ ខេត្តកំពង់ស្ពឺ។

ជនរងគ្រោះមានឈ្មោះ នឿន នី ភេទប្រុស អាយុ៣៣ឆ្នាំ ស្នាក់នៅភូមិត្រពាំងវែង ឃុំផុង ស្រុកបសេដ្ឋ ខេត្ដកំពង់ស្ពឺ(ស្លាប់) បើកម៉ូតូមួយគ្រឿង ម៉ាក សេ១២៥ ពណ៌ខ្មៅ ស៊េរីឆ្នាំ២០០៨ ពាក់ស្លាកលេខ កំពង់ស្ពឺ1B-6936។ ចំណែកជនបង្កឈ្មោះ ភន វណ្ណ: ភេទប្រុស អាយុ២៨ឆ្នាំ ស្នាក់នៅភូមិភ្នំកូប ឃុំកាត់ភ្លុក ស្រុកបសេដ្ឋ ខេត្តកំពង់ស្ពឺ(របួសធ្ងន់) បើកម៉ូតូមួយគ្រឿង ម៉ាកហុងដា សេ១២៥ ពណ៌ខ្មៅ ស៊េរីឆ្នាំ២០១៥ និងអ្នករួមត្រូវជាប្រពន្ធឈ្មោះ អិន ប៊ុណា ភេទស្រី អាយុ២៥ឆ្នាំ(របួសធ្ងន់)។

ប្រភពដដែល បានបន្តថា មុនពេលកើតហេតុ ភាគីទាំងពីរបានធ្វើដំណើរបញ្រ្ចាទិសគ្នា ដោយជនបង្កបើកក្នុងល្បឿនលឿន លុះមកដល់ចំណុចកើតហេតុ បានជ្រុលចង្កូតមកបុកម៉ូតូជនរងគ្រោះពេញទំហឹង បណ្តាលឲ្យស្លាប់ភ្លាមៗតែម្តង ចំណែកជនបង្ករងរបួសធ្ងន់ចំនួន២នាក់។

ក្រោយកើតហេតុ សមត្ថកិច្ចបាននាំយកវត្ថុតាងមករក្សាទុកនៅអធិការដ្ឋាននគរបាលស្រុកបសេដ្ឋ។ ចំណែកសាកសពប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

ចែកចាយបន្ត