Post News Media ព័ត៌មានជាតិ ក្មេងៗសោះ ជួញ...

ក្មេងៗសោះ ជួញដូរគ្រឿងញៀនហើយ នៅការដឹកជញ្ជូនកញ្ឆាក្រៀមឆ្លងដែនទៀត!

ចែកចាយបន្ត

​តាកែវ: កម្លាំងសមត្ថកិច្ចបានធ្វើការចុះបង្រ្កាប ការជួញដូរសារធាតុញៀនខុសច្បាប់ នឹងការដឹកជញ្ជូនកញ្ឆាក្រៀមឆ្លងដែនខុសច្បាប់។
ករណីទី១៖ នៅថ្ងៃទី៧ ខែធ្នូ ឆ្នាំ២០១៧ វេលាម៉ោង៦និង២០នាទីយប់ កម្លាំងជំនាញនៃអធិការដ្ឋាននគរបាលស្រុក ដឹកនាំដោយលោកវរសេនីយ៍ឯក យុគ សារ៉ាត់ អធិការ បានចុះបង្រ្កាបមុខសញ្ញាប្រើប្រាស់និងជួញដូរគ្រឿងញៀន នៅចំណុចភូមិពោធិខ្វិត ឃុំព្រះបាទជាន់ជុំ ស្រុកគិរីវង់ ជនសង្ស័យមានឈ្មោះដូចខាងក្រោម ៖
១.ឈ្មោះ ចាន់ ផាន់និត ភេទប្រុស (ទើបចេញពីពន្ធនាគារខេត្តតាកែវ) អាយុ២៥ឆ្នាំ ទីលំនៅភូមិចំបក់ទឹម ឃុំគិរីចុងកោះ
២.ឈ្មោះ ដួង ចំរើន (ហៅហួយ) ភេទប្រុស អាយុ២៥ឆ្នាំ ទីលំនៅភូមិកំពង់ ឃុំព្រះបាទជាន់ជុំ
៣.ឈ្មោះ សៀង ប៊ុនហេង (ហៅអាអណ្តើក) (ទើបចេញពីពន្ធនាគារខេត្តតាកែវ)ភេទប្រុស អាយុ២៣ឆ្នាំ ទីលំនៅភូមិកំពង់ ឃុំព្រះបាទជាន់ជុំ
៤.លោក មាស ចិន្តា ភេទស្រី អាយុ២១ឆ្នាំ ទីលំនៅភូមិលាយបូ ឃុំលាយបូ ស្រុកត្រាំកក់
៥.លោក ដៀប ស្រីណៃ ភេទស្រី អាយុ២៦ឆ្នាំ ទីលំនៅភូមិក្រាំងចំរើន ឃុំតាំងយ៉ាប់ ស្រុកព្រៃកប្បាស ។
.ក្នុងពេលបង្រ្កាបកម្លាំងជំនាញរឹបអូសបាន៖ សម្ភារ:ប្រើប្រាស់គ្រឿងញៀន១ចំនួន,ថងសម្រាប់វិចខ្ចប់ថ្នាំញៀនមួយចំនួន។ ចំណែកថ្នាំញៀនជនសង្ស័យបានច្រកចូល ក្នុងដបទឹកសុទ្ធបំផ្លាញចោលអស់ ៕

ករណីទី២ ៖ នៅថ្ងៃទី៧ ខែធ្នូ ឆ្នាំ២០១៧ វេលាម៉ោង៧និង៣០នាទីយប់ កម្លាំងជំនាញនៃអធិការដ្ឋាននគរបាលស្រុកគិរីវង់ យើងបានក្តាប់បានពត៌មានលើមុខសញ្ញាដឹកកញ្ឆាក្រៀមឆ្លងដែនខុសច្បាប់ ភ្លាមនោះយើងបានរៀបចំកម្លាំងពួនស្ទាក់ចាប់បានមុខសញ្ញាម្នាក់ មានឈ្មោះ អោក ធិនដាវីន ភេទប្រុស អាយុ១៧ឆ្នាំ ទីលំនៅភូមិជ្រោយ ឃុំព្រះបាទជាន់ជុំ ស្រុកគិរីវង់ នៅចំណុចភូមិចំបកទឹម ឃុំគិរីចុងកោះ ស្រុកគិរីវង់ ដោយមុខសញ្ញាមានគ្នា២នាក់ជិះម៉ូតូ១គ្រឿង ។ ហើយក្នុងពេលបង្រ្កាបនោះយើងឃាត់ខ្លួនបានជនសង្ស័យម្នាក់ មានឈ្មោះខាងលើ រួមនឹងម៉ូតូ១គ្រឿង ម៉ាក YAMAHA TAURUS ពណ៌ខ្មៅ គ្មានស្លាកលេខ ព្រមទាំងកញ្ឆាក្រៀមចំនួន២៤គីឡូក្រាម។

បច្ចុប្បន្នកម្លាំងជំនាញ់កំពុងស្រាវជ្រាវស្វែងរកមេខ្លោងធំដើម្បីយកមកផ្តន្ទាទោសតាមច្បាប់៕

ចែកចាយបន្ត