Post News Media ព័ត៌មានជាតិ ខ្ទេចគ្មានសល់...

ខ្ទេចគ្មានសល់! បុកទ្រូងផ្លូវហើយ ត្រូវគេបុកពីក្រោយបន្ថែមទៀត!..

ចែកចាយបន្ត

ភ្នំពេញ: បុរសម្នាក់បើករថយន្តលឿនពេក ខ្វះការប្រុងប្រយត្ន័ជ្រុលចង្កូតទៅបុកក្បាលនាគចែកទ្រូងផ្លូវពេញទំហឹង បណ្តាលឲ្យរថយន្តផ្ទប់ជាប់ទៅមុខលែងរួច ខណ:នោះក៏មានរថយន្តហាយឡែនឌ័រមួយគ្រឿងទៀត បើកមកពីក្រោយ វាក់អើចាប់ហ្វ្រាំងមិនទាន់ក៏ជ្រុលទៅបុកពីក្រោយ បណ្តោយឲ្យរថយន្តឆ្លាមខ្ទេចទាំងមុខខ្ទេចទាំងក្រោយ យ៉ាងដំណំ រួចបើករត់គេចខ្លួនបាត់ សំណាងល្អម្ចាស់រថយន្តឆ្លាមរងរបួសស្រាល។

ហេតុការណ៍នេះកើតឡើងកាលពីវេលាម៉ោង១១និង៣០នាទីយប់ថ្ងៃទី១២ ខែមករា ឆ្នាំ២០១៨ ស្ថិតនៅចំណុចស្តុបក្តាន់ពី តាមបណ្តោយផ្លូវសហពន្ធ័រុស្សី ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានប្រាប់ ឲ្យដឹងថាមុនកើតហេតុ គេឃើញបុរសម្នាក់បើករថយន្តគ្រឿងម៉ាកកាមរីឆ្លាម ពណ៌ស្ករ ពាក់ស្លាកលេខ ភ្នំពេញ 2O-9875 បើកបរពីកើតទៅលិច លុះបើកមកដល់ចំណុចកើតហេតុខាងលើ បានរេចង្កូតមកខាងឆ្វេងជ្រុល ទៅបុកក្បាលនាគចែកទ្រូងផ្លូវពេញទំហឹងបណ្តាលឲ្យរថយន្តខ្ទេចមួយកំណាត់មុខនិងផ្ទប់នឹងក្បាលនាគទៅមុខលែងរួច ខណ:នោះស្រាប់តែមានរថយន្តមួយគ្រឿងទៀតម៉ាកហាយឡែនឌ័រមិនចាំស្លាកលេខ បើកមកពីក្រោយស្របទិសដៅគ្នា វាក់អើ ក៏ជ្រុលចង្កូតទៅបុករថយន្តឆ្លាមពីក្រោយពេញទំហឹងបណ្តាលឲ្យរថយន្តឆ្លាមខ្ទេចទាំងមុខខ្ទេចទាំងក្រោយរួចបានបើករត់គេចខ្លួនបាត់បន្សល់ទុកតែរថយន្តឆ្លាមនៅនឹងកន្លែងកើតហេតុ។ ចំណែកម្ចាស់រថយន្តឆ្លាមរងរបួសស្រាល។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយកបង្កទៅរក្សាទុកនៅការិយាលយ័ចរាចណ៍ផ្លូវគោករាជធានីភ្នំពេញរង់ចាំដោះស្រាយគ្នាទៅតាមផ្លូវច្បាប់៕

ចែកចាយបន្ត