Post News Media ព័ត៌មានជាតិ ជិះម៉ូតូគេចរថ...

ជិះម៉ូតូគេចរថយន្ត ជ្រុលទៅបុករថយន្តមួយទៀត ចតចោលពីក្រោយពេញទំហឹង រងរបួសធ្ងន់

ចែកចាយបន្ត

ភ្នំពេញ: យុវជនម្នាក់ជិះម៉ូតូមួយគ្រឿង គេចពីរថយន្តបើកកាត់ពីមុខ តែក៏ ជ្រុលចង្កូតទៅបុករថយន្តមួយគ្រឿង ដែលចតចោលនៅលើចិញ្ចើមផ្លូវពី ក្រោយពេញទំហឹង បណ្តាលឲ្យជនរងគ្រោះបោកផ្ទប់ និងរថយន្តរងរបួសធ្ងន់។

ហេតុការណ៍នេះ កើតឡើងកាលពីវេលាម៉ោង៩ និង៤០នាទីយប់ថ្ងៃទី ១៣ ខែមករា ឆ្នាំ២០១៨ ស្ថិតនៅតាមបណ្តោយផ្លូវលេខ១០០៣ មុខហាងលក់ទូរស័ព្ទដៃគ្រប់ប្រភេទ (យីហោ ហេងជៀប ២) ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

មុនកើតហេតុគេឃើញយុវជនម្នាក់ ជិះម៉ូតូ ម៉ាកសង់កូរ៉េ ពណ៌ក្រហម គ្មានស្លាកលេខ និងគ្មានហ្វ្រាំង ជិះក្នុងទិសដៅពីជើងទៅត្បូង លុះមកដល់ចំណុចកើតខាងលើ ក៏មានរថយន្តមួយគ្រឿងទៀត មិនចាំម៉ាក បានបើកកាត់ពីមុខ ខណ:នោះជនរងរគ្រោះ បានកាច់ចង្កូតមកខាងស្តាំដៃ វាក់អើនិងរថយន្តមួយគ្រឿងទៀត ម៉ាកហាយលេនឌ័រ ពណ៌ក្រហម ពាក់ស្លាកលេខ ភ្នំពេញ 2-7321 ដែលម្ចាស់ចតនៅលើចិញ្ចើមផ្លូវ ដើម្បីចូលទៅផឹកស៊ី ក្នុងហាងមួយកន្លែងស្របទិសដៅគ្នា ពីក្រោយពេញទំហឹង បណ្តាលរថយន្តកំពិត និងបែកកញ្ចក់ខាងក្រោយ រងកាខូចខាតយ៉ាងដំណំ ចំណែកម្ចាស់ម៉ូតូវិញ បោកផ្ទប់និងរថយន្តពីក្រោយរងរបួសធ្ងន់ ត្រូវបានរថយន្តសង្គ្រោះបន្ទាន់ក្លីនីកហុង ហាក់ ដឹកយកទៅសង្គ្រោះភ្លាមៗ។

ក្រោយកើតហេតុសមត្ថកិច្ចមូលដ្ឋាន បានចុះមកដល់ព្រមទាំងម្ចាស់រថយន្ត បានចេញពីហាងមកមើលកន្លែងកើតហេតុផងដែរ ដោយម្ចាស់រថយន្ត មិនបានទាមទារសំណងពីម្ចាស់ម៉ូតូនោះ ទេ សុខចិត្តយករថយន្តទៅជួសជុលដោយខ្លួនឯង ភ្លាមៗនោះសមត្ថកិច្ចមូលដ្ឋាន បានយកម៉ូតូទៅរក្សានៅប៉ុស្តិ៍ផងដែរ៕

ចែកចាយបន្ត