Post News Media ព័ត៌មានជាតិ ខ្លាំងបាត់! ក...

ខ្លាំងបាត់! កុងតឺន័របុកអូសម៉ូតូសង់ធ្លាក់ផ្លូវ ក្រឡាប់ផ្ងារជើង របួសធ្ងន់ម្នាក់

ចែកចាយបន្ត

ស្វាយរៀង: គ្រោះថ្នាក់ចរាចរណ៍មួយបានកើតឡើង ដោយមានរថយន្តកុងតឺន័រ បុកពីក្រោយម៉ូតូមួយគ្រឿងដែលកំពុងជិះដោយស្ត្រីម្នាក់ បណ្តាលឲ្យធ្លាក់ទៅលើចិញ្ចើមផ្លូវ ចំណែករថយន្តក្រឡាប់ផ្ងារជើង។

ហេតុការណ៍នេះកើតឡើងនៅម៉ោង៣រសៀល ថ្ងៃទី១៣ ខែកុម្ភ: ឆ្នាំ២០១៨ លើផ្លូវជាតិលេខ១ ភូមិព្រៃសង្ឃ័រ ឃុំសំបួរ ស្រុកស្វាយទាប ខេត្តស្វាយរៀង។

ដំបូងឡើយគេរថយន្តកុងតឺន័រ ពាក់ស្លាកលេខ ភ្នំពេញ 3A-7209 បើកពីកើតមកលិចយ៉ាងលឿន បានរេចង្កូត ទៅបុកស្ត្រីម្នាក់កំពុងជិះសង់សេ១២៥ ពណ៌ខ្មៅ ពាក់ស្លាកលេខ ស្វាយរៀង 1G-5610 អូសម៉ូតូទៅធ្លាក់ផ្លូវ ចំណែកររថយន្តក្រឡាប់ផ្ងារជើង រីឯស្ត្រីខាងលើរបួសធ្ងន់ ។ចំណែកអ្នកបើកបររថយន្តបង្ក បានរត់គេចខ្លួនបាត់ស្រមោល។

ក្រោយកើតហេតុ សមត្ថកិច្ចបានយករថយន្តបង្ករួមនឹងម៉ូតូជនរងគ្រោះ ទៅទុកនៅអធិការដ្ឋាននគរបាលស្រុកស្វាយទាប ដោះស្រាយគ្នាពេលក្រោយតាមច្បាប់បន្តទៀត៕

ចែកចាយបន្ត