Post News Media ព័ត៌មានជាតិ ប្រុសសង្ហារ ប...

ប្រុសសង្ហារ បើករថយន្តព្រុស កៀរម៉ូតូទៅបុករបងស្ថានទូតបារាំងខ្ទេចរថយន្ត!

ចែកចាយបន្ត

ភ្នំពេញ: បុរសម្នាក់រួមដំណើរជាមួយនារីម្នាក់ បើករថយន្តព្រូសកៀរម៉ូតូមួយគ្រឿងបណ្តាលឲ្យដួល ហើយរេចង្កូតទៅបុករបងដាក់ការពារស្ថានទូតបារាំងបណ្តាលឲ្យខ្ទេចរថយន្ត ។

ហេតុការណ៍នេះកើតឡើងកាលពីវេលាម៉ោង៥ទៀបភ្លឺថ្ងៃទី១៤ ខែកុម្ភ: ឆ្នាំ២០១៨ ស្ថិតនៅតាមបណ្តោយផ្លូវព្រះមុនីវង្ស សង្កាត់ស្រះចក ខណ្ឌ ដូនពេញ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុរថយន្តម៉ាកព្រូសមួយគ្រឿង ពណ៌ស ពាក់ស្លាកលេខ ភ្នំពេញ 2AO-3682 បើកបរដោយបុរសម្នាក់រួមដំណើរនារីម្នាក់បើកបរក្នុងល្បឿនលឿន កៀរម៉ូតូឌ្រីម ប៊ិចបណ្តាលឲ្យដួលហើយក៏រេចង្កូតទៅបុករបងស្ថានទូតបារាំងបាក់បែកខ្ទេចអស់ហើយរថយន្តវិញរងការខូចខាតយ៉ាងដំណំ តែសំណាងល្អមិនបង្កឲ្យមានអ្នករងរបួស ។

ក្រោយពេលកើតហេតុសមត្ថកិច្ចជំនាញបានចុះមកដល់កន្លែងកើតហេតុទាក់ទងទៅសមត្ថកិច្ចជំនាញចរាចរណ៍ក្រុងឲ្យយករថយន្តទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីរង់ចាំដោះស្រាយទៅតាមនិតិវិធីច្បាប់ ៕

ចែកចាយបន្ត