Post News Media ព័ត៌មានជាតិ ពាក្យចាស់ពោលថ...

ពាក្យចាស់ពោលថា«ចេះអី ស្លាប់ហ្នឹង»!.. បុរសម្នាក់ ដាក់រំសេវបំផ្ទុះផ្ទាំងថ្ម បែរជារញ្ជួយបាក់សង្កត់ខ្លួនឯងស្លាប់យ៉ាងរន្ធត់

ចែកចាយបន្ត

កំពត: លោកអធិការរងស្រុកដងទង់ ទទួលផ្នែកព្រហ្មទណ្ឌបានប្រាប់Post Newsថា មានករណីបុរសម្នាក់ ត្រូវផ្ទាំងថ្មបែកសង្កត់ស្លាប់យ៉ាងរន្ធត់ ក្រោយពីដាក់រំសេវបំផ្ទុះ។

ហេតុការណ៍នេះកើតឡើងកាលពីវេលាម៉ោង៨ជាងព្រឹកថ្ងៃទី១៤ ខែកុម្ភ: ឆ្នាំ២០១៨ នៅចំណុច​ភ្នំស្រូវ​ជួរ​ភ្នំ​ក្បាល​ទីង ភូមិឆ្លាតក្រោម ឃុំ​ខ្ជាយ​ខាងត្បូង ស្រុក​ដងទង់ ខេត្តកំពត។

សមត្ថកិច្ចបានឲ្យដឹងថា ជន​រង​គ្រោះខាងលើនេះមានឈ្មោះ​ ង៉ែត ភឿន អាយុ​៤០​ឆ្នាំ ជាអ្នកប្រកបមុខរបរដាក់រំសេវបំផ្ទុះផ្ទាំងថ្ម ហើយមុនពេលកើតហេតុ ជនរងគ្រោះបានប្រកបរបរនេះជាប្រចាំ​ដោយបានដាក់រំសេវបំផ្ទុះផ្ទាំងថ្មខាងលើ រួចបានទៅពួននៅលើផ្ទាំងថ្មផ្នែកខាងលើ តែអកុសលពេលចុចបំផ្ទុះស្រាប់តែរញ្ជួយបាក់ទាំងផ្ទាំងថ្មធំដែលជនរងគ្រោះពួន ធ្លាក់មកខាងក្រោមទាំងថ្មទាំងមនុស្សសង្កត់ស្លាប់យ៉ាងរន្ធត់តែម្តង។

ក្រោយកើតហេតុ សមត្ថកិច្ចជំនាញបានធ្វើការពិនិត្យនិងធ្វើកោសល្យវិច័យប្រគល់ឲ្យក្រុមគ្រួសារធ្វើបុណ្យតាមប្រពៃណី៕

ចែកចាយបន្ត