កណ្តាល: មានការផ្ញាក់ផ្អើលមួយបានកើតឡើងទាំងយប់ ខណៈក្រុមចោរលួចឡានធ្វើសកម្មភាព លួចឡានមិនបានសម្រេច​ ត្រូវម្ចាស់ឡានដឹងខ្លួនទាន់ រួចក៏ចុចតេឡេ ដាក់គន្លឹះទើមសមត្ថកិច្ចធ្វើការឃាត់ខ្លួនតែម្តង។

ហេតុការណ៍នេះ បានកើតឡើងកាលពីវេលាម៉ោង០១និង១៥នាទី ថ្ងៃទី០៧ ខែកក្កដា ឆ្នាំ២០១៦ ស្ថិតនៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល។

ប្រភព​ឲ្យដឹងថា ជនសង្ស័យ​មានឈ្មោះ ឡាំ ឈុយ ភេទប្រុស អាយុ១៩ឆ្នាំ មានទីលំនៅមិនពិតប្រាកដ។

លោកវរសេនីយ៍ត្រី ចំរើន បញ្ញា អធិការរងក្រុងតាខ្មៅ បានប្រាប់ឲ្យដឹងថា នៅមុនពេលកើតហេតុ ក្រុមចោរ​មានគ្នា​៣ទៅ​៤នាក់ បានជិះម៉ូតូមកឈប់នៅកន្លែងកើតហេតុ រួចក៏ធ្វើសកម្មភាពលូចរថយន្ត។

លោកអធិការរងបានឲ្យដឹងទៀតថា បន្ទាប់ពីបក្ខពួកវាធ្វើសកម្មភាពលួចរថយន្ត ក៏ស្រាប់តែម្ចាស់រថយន្តដឹងខ្លួនទាន់ ក៏ចុចតេឡេរថយន្តចាក់គន្លឹះសោទ្វារ ទើបធ្វើឲ្យចោរម្នាក់ដែលធ្វើសកម្មភាពចូលក្នុងរថយន្តជាប់នៅក្នុងឡានតែម្តង ចំណែកឯបក្ខពួកគ្នាវា បានជិះម៉ូតូគេចខ្លួនបាត់ស្រមោល​។

ភ្លាមៗនោះដែរ កម្លាំងនគរបាលក្រុងតាខ្មៅ ចុះទៅដល់កន្លែងកើតហេតុ និងឃាត់ខ្លួនជនសង្ស័យ​បញ្ជូនមកអធិការដ្ឋាននគរបាលក្រុងតាខ្មៅ ដើម្បីធ្វើការសកសួរចាត់ការតាមនិតិវិធី​៕

https://youtu.be/9Cnxr7bwabg

https://youtu.be/Rgy-6Wi5bf0

https://youtu.be/hD-isNEMJSY

https://youtu.be/Iil4M6U_z0o