ស្ទឹងត្រែងៈ បុរសម្នាក់ដែលគេសង្ស័យថា ជាអតីតមន្រ្តីយោធានោះ បានបាញ់សម្លាប់ខ្លួនឯងស្លាប់យ៉ាងអណោចអធម នៅក្នុងត្លុកឈាម។

ករណីសង្ស័យបាញ់សម្លាប់ខ្លួនឯងដោយកាំភ្លើង អាកានេះ បានកើតឡើងនៅភូមិគីរីវង្សាលើ ឃុំសន្តិភាព ស្រុកសៀមប៉ាង ខេត្តស្ទឹងត្រែង។ រឿងនេះបង្កឡើងដោយជនរងគ្រោះខ្លួនឯង ឈ្មោះ ខត យ៉ ភេទប្រុស អាយុ៥៤ឆ្នាំ បានបាញ់សម្លាប់ខ្លួនឯង ជាមួយនឹងកាំភ្លើងម៉ាកAK   បណ្តាលឲ្យស្លាប់ភ្លាមៗនៅកន្លែងកើតហេតុ ចំណែកប៉ូលិសបានបញ្ជាក់ថា ជាករណីរាលកៃ។

សូមបញ្ជាក់ថា ជនរងគ្រោះកន្លងមកធ្លាប់ធ្វើទាហា៊ន នេះហើយជាលទ្ធផលប្រជាពលរដ្ឋដែលរក្សាអាវុធដោយខុសច្បាប់ ទោះបីជាមានការផ្សព្វផ្សាយផែនការលេខ023 ស្តីពីការចាត់តាំងអនុវត្តគោលនយោបាយភូមិ ឃុំមានសុវត្ថិភាពក៏ដោយ ក៏មានប្រជាពលរដ្ឋមួយចំនួន នៅតែមិនយកមកប្រគល់ឲ្យនគរបាលនោះដែរ៕