កំពង់ធំៈ ករណីបង្រ្កាបគ្រឿងញៀនទ្រង់ទ្រាយធំ នៅខេត្តកំពង់ធំ ចាប់ខ្លួនមនុស្ស៤នាក់ និងដកហូតថ្នាំញៀន៤០គីឡូក្រាមកិច្ចប្រតិបត្តិការបង្ក្រាបគ្រឿងញៀនដ៏ធំមួយ បានធ្វើឡើងនៅវេលាម៉ោង២និង៣០នាទី រសៀលថ្ងៃទី២១ ខែតុលា ឆ្នាំ២០១៩នេះ នៅលើផ្លូវជាតិលេខ៦ ស្ថិតភូមិសំណាក ឃុំកកោះ ស្រុកសន្ទុក ខេត្តកំពង់ ដោយបានឃាត់ខ្លួនមនុស្ស៤នាក់ (ខ្មែរ៣នាក់ និងជនជាតិថៃម្នាក់) និងដកហូតគ្រឿងញឿន៤០ដុំ មានទម្ងន់ ៤០គីឡូក្រាម។
ករណីនេះធ្វើឡើងនៅ ចំណុចភោនីយដ្ឋានយីហោ រស់ សុខខុម ដែលដឹកនាំដោយ លោក អ៉ិត សុធា ព្រះរាជអាជ្ញាខេត្តកំពង់ធំ អមដំណើរដោយលោក សាយ វាសនា ព្រះរាជអាជ្ញារងអមសាលាដំបូងខេត្តកំពង់ធំ ដោយមានការចូលរួមពីកម្លាំងមន្ទីរប្រឆាំងគ្រឿងញៀនរបស់ក្រសួងមហាផ្ទៃ។
លោក អ៊ិត សុធា ដែលដឹកនាំប្រតិបត្តិការនេះរហូតទទួលបានជោគជ័យ បានឲ្យដឹងថា ជនសង្ស័យដែលត្រូវបានឃាត់ខ្លួន ក្នុងប្រតិបត្តិការនេះមាន៖
ទី១៖ ឈ្មោះ គន់ វណ្ណះ
ទី២៖ ឈ្មោះ សុខ ប៊ុនសិរិឆៃ
ទី៣៖ ឈ្មោះ សាក់ សេងសង(ថៃ)
ទី៤៖ ឈ្មោះ លី តឹក
ដោយបានដកហូតគ្រឿងញៀន៤០គីឡូក្រាម និងរថយន្តចំនួន០២គ្រឿងផងដែរ។
លោកបានអះអាងថា បន្ទាប់ពីបង្រ្កាបជាក់ស្តែងរួចរាល់ជនសង្ស័យ និងវត្ថុតាង បានបញ្ជូនមកស្នងការដ្ឋាននគរបាលខេត្តកំពង់ធំ ដើម្បីកសាងសំណុំរឿងចាត់ការតាមនីតិវិធីច្បាប់៕
