ពោធិ៍សាត់ៈ កាលពីវេលាម៉ោង ៧និង១០នាទីព្រឹកថ្ងៃទី៩ ខែមករា ឆ្នាំ២០២០ មានករណីគ្រោះថ្នាក់ចរាចរណ៍រវាងគោយន្ត និងម៉ូតូ ស្ថិតតាមបណ្ដោយផ្លូវជាតិលេខ៥៥ ចន្លោះគីឡូម៉ែត្រលេខ៦៤-៦៥ ចំណុចអូរដំណាក់កន្សែង ភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។

អ្នកបើកបររថយន្តបង្កម៉ាក ហ៊ីយ៉ាន់ដាយ មួយគ្រឿង ពណ៌ខៀវ ពាក់ស្លាកលេខ កំពង់ចាម 3A-6933 ឈ្មោះ អាត កៃ ភេទប្រុស អាយុ ២២ឆ្នាំ ជនជាតិខ្មែរឥស្លាម រស់នៅភូមិថ្មពេជ្រ ឃុំថ្មពេជ្រ ស្រុកថ្មពេជ្រ ខេត្តត្បូងឃ្មុំ (របួសស្រាល ) រួមដំណើរជាមួយ ២នាក់ទៀតរួមមាន៖
១.ឈ្មោះ ម៉ាន នី ភេទប្រុស អាយុ ២០ឆ្នាំ ជនជាតិខ្មែរឥស្លាម (របួសធ្ងន់) ។
២.ឈ្មោះ ម៉ាសារី សាអែល ភេទប្រុស អាយុ ១៩ឆ្នាំជនជាតិខ្មែរឥស្លាម រស់នៅភូមិឃុំដូចគ្នា (មិនមានរបួស)ជាម្ចាស់រថយន្ត
ម៉ូតូម៉ាក ឌ្រីមសង់ C125 ពណ៌ខ្មៅ ផលិត ឆ្នាំ២០១៣ ពាក់ស្លាកលេខ ពោធិ៍សាត់ 1D-9048 បើកបរដោយឈ្មោះ លន់ ណាវ ភេទប្រុស អាយុ ៦៣ឆ្នាំ ជនជាតិខ្មែរ មុខរបរកសិករ រស់នៅចំណុចកើតហេតុខាងលើបាន(របួសធ្ងន់ ) និងរួមដំណើរម្នាក់ទៀតត្រូវជាចៅឈ្មោះ នីម ថាញែក ភេទប្រុស អាយុ ៧ឆ្នាំ សិស្ស រងរបួសធ្ងន់។

ដំណើររឿង៖ មុនពេលកើតហេតុវេលាម៉ោង ៣និង៤៧នាទីថ្ងៃទី៩ ខែមករា ឆ្នាំ២០២០ រថយន្តបង្កបានធ្វើដំណើរស្របទិសគ្នាជាមួយម៉ូតូ ស្រាប់តែមកដល់ចំណុចកើតហេតុបានបុកម៉ូតូ ហើយម៉ូតូនោះក៏ជ្រុលចង្កូតទៅបុកគោយន្តកន្ត្រៃ ឈប់នៅលើចិញ្ចើមផ្លូវ មិនមានអ្នករងរបួសទេ រីឯរថយន្តខាងលើធ្លាក់ផ្លូវទៅមុខលែងរួច។

មូលហេតុ៖ បណ្តាលមកពីការបើកបរក្នុងល្បឿនលឿន ខ្វះការប្រុងប្រយ័ត្ន។

ក្រោយពេលកើតហេតុសមត្ថកិច្ច ចុះដល់ទីតាំងធ្វើការវាស់វែង យកវត្ថុតាងទៅរក្សាទុក នៅអធិការដ្ឋាននគរបាលស្រុកវាលវែង ដើម្បីកសាងតាមនីតិវិធី រីឯគោយន្តប្រគល់ជូនម្ចាស់វិញ ចំណែកអ្នករងរបួស ត្រូវបានបញ្ជូនទៅសម្រាកព្យាបាលនៅមន្ទីរពេទ្យ៕