ភ្នំពេញៈ កាលពីវេលាម៉ោង ២​និង៣៥នាទីរសៀលថ្ងៃទី៣០ ខែមិថុនា ឆ្នាំ២០២០ មានករណីអគ្គិភ័យឆេះផ្ទះ ស្ថិតតាមបណ្ដោយផ្លូវលេខ២០៨ ផ្ទះលេខ3i ក្រុមទី២ ភូមិត្នោតជ្រុំ៤ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ។

ម្ចាស់ផ្ទះឈ្មោះ អ៊ឹង ពិសិដ្ឋ ភេទស្រី អាយុ ៣៩ឆ្នាំ មុខរបរនៅផ្ទះ (ផ្ទះធ្វើអំពីថ្មបេតុងទំហំ ៤ម៉ែត្រ x១៦ម៉ែត្រ ) ។

សម្ភារៈខូចខាត៖
-ឆេះម៉ាស៊ីនត្រជាក់ និងសម្ភារៈមួយចំនួន មិនបណ្ដាលឲ្យឆេះដល់ផ្ទះអ្នកជិតខាងឡើយ។

ប្រើប្រាស់ឡានទឹក អស់ចំនួន ៣គ្រឿង ទឹក ៣ឡាន ស្មើ១២ម៉ែត្រគូប រលត់ទៅវិញទាំងស្រុង នៅវេលាម៉ោង ៣រសៀលថ្ងៃដដែល។

សូមបញ្ជាក់៖ ករណីនេះ មានក្មេងស្រីតូចៗ ២នាក់ បងប្អូននៅខាងក្នុង ដែលត្រូវបានម្ដាយចាក់សោ រួចចេញទៅក្រៅបាត់ ខណៈពេលកើតហេតុនាងតូចទាំង ២នាក់ ខំរត់មកបើកទ្វារ តែបើកមិនបាន ស្របពេលកម្លាំងគណៈបញ្ជាការឯកភាព ចុះជួយអន្តរាគមន៍ពន្លត់អគ្គិភ័យឃើញ ជាក់ស្ដែងក៏ឲ្យក្មេងៗ ទៅឈរអែបកៀនខាង ដើម្បីទំលុះទ្វារយកចេញមកក្រៅ មិនបណ្ដាលឲ្យមាននរណាម្នាក់រងរបួសទេ គ្រាន់តែក្មេងមានការភិតភ័យ៕