បាត់ដំបងៈ នៅទី១៥ ខែតុលា ឆ្នាំ ឆ្នាំ២០២០ វេលាម៉ោង ៥និង២៥នាទី លើផ្លូវជាតិលេខ៥ ត្រង់ចំណុចក្រុមទី០៥ ភូមិបឹងព្រីង ឃុំបឹងព្រីង ស្រុកថ្មគោល ខេត្តបាត់ដំបង មានករណីគ្រោះថ្នាក់ចរាចរណ៍ដោយអ្នកបើកម៉ូតូ បុកគូថរថយន្តធំខូចចតលើផ្លូវ។

រថយន្តម៉ាក ហ្វ៊ុយសូ (FUSO) ពណ៌សលាយបៃតង ពាក់ផ្លាកលេខ កំពង់ធំ3A-1588 ខូចចតលើទ្រូងផ្លូវទិសដៅពីត្បូងទៅជើង អ្នកបើកបរមិនស្គាល់ រត់គេចខ្លួន។
ម៉ូតូម៉ាក ហុងដាឌ្រីម C១២៥ ពណ៌ខ្មៅ ស៊េរី២០១៧ ពាក់ផ្លាកលេខ បន្ទាយមានជ័យ1Q-2563 អ្នកបើកម៉ូតូឈ្មោះ ធួក ថា ភេទប្រុស អាយុ ៣៧ឆ្នាំ។ និងអ្នករួមដំណើរឈ្មោះ ថន ថង ភេទប្រុស អាយុ ១៥ឆ្នាំ អ្នកទាំងពីរ រស់នៅភូមិវត្តថ្មី ឃុំភ្នំតូច ស្រុកមង្គលបូរី ខេត្តបន្ទាយមានជ័យ (ស្លាប់)។

មូលហេតុ៖ រថយន្តខូចចតលើផ្លូវ អ្នកបើកម៉ូតូក្នុងល្បឿនលឿន។

ក្រោយពីកើតហេតុសមត្ថកិច្ច ចុះដល់ទីតាំងវាស់វែង យកវត្ថុតាងទៅរក្សាទុក នៅជំនាញការិយាល័យចរាចរណ៍ផ្លូវគោកខេត្តបាត់ដំបងជើកគោក ដើម្បីកសាងសំណុំរឿងតាមនីតិវិធី រីឯសពត្រូវបាន ធ្វើកំណត់ហេតុប្រគល់ជូនក្រុមគ្រួសារ យកទៅធ្វើបុណ្យ៕