ព្រឹត្តិការណ៍ MWC នៅដើមឆ្នាំនេះ ក្រុមហ៊ុន Samsung បានបង្ហាញនូវរួបភាព Galaxy 10.1 ដែលរហូតទល់នឹងពេលនេះអស់រយៈពេល ៥ ខែមកនេះ tablets មួយនេះ នៅមិនទាន់បានបង្ហាញខ្លួននៅលើ ទីផ្សារ ហើយខាងក្រុមហ៊ុនក៏នៅមិនទាន់ប្រាប់ថា Galaxy 10.1 នឹងចេញលក់នៅលើទីផ្សារពេលណាមួយផងដែរ។

បើយោងតាមប្រភពព័ត៌មានចុងក្រោយ ដែលចុះផ្សាយនៅលើគេហទំព័រ Tech2 បានឲ្យដឹងថា Galaxy 10.1 នឹងចេញដំណើរការនៅថ្ងៃទី ១៥ ខែសីហា។

មូលហេតុដែលគេហទំព័រខាងលើចុះផ្សាយនូវព័ត៌មាននេះ ដោយសារតែ ក្រុមហ៊ុន Samsung បានផ្ញើនូវលិខិតអញ្ជើញទៅកាន់ក្រុមមនុស្សមួយចំនួនឲ្យចូលរួមក្នុងព្រឹត្តិការណ៍ Galaxy Device នៅថ្ងៃទី ១៥ ខែសីហា។ នៅក្នុងព្រឹត្តិការណ៍នេះ នៅមិនទាន់មានអ្នកម្នាក់បានដឹងថា ក្រុមហ៊ុននឹងធ្វើនោះទេ មិនដឹងថា Samsung នឹងបង្ហាញ Smartphone ឬ Tablet។

បើទោះជាយ៉ាងនេះ យើងអាចនឹងសន្មត់បានថា ក្រុមហ៊ុន Samsung នឹងចេញ Tablet ច្រើនជាង Smartphone ព្រោះថា Samsung បានបង្ហាញ Galaxy S3 កាលពីថ្មីៗនេះរួចហើយ ដូច្នេះ Samsung ប្រាកដជាបង្ហាញ Galaxy 10.1។

គួរបញ្ជាក់ផងដែរថា Galaxy 10.1 មាននូវអង្គប្រតិបត្តិ 1.4GHz Dual core នឹងមានប្រព័ន្ធដំណើរការ Android 4.0 ICS៕