កីឡាការិនី Victoria Azarenka បានបំបាក់កីឡាការិនី Maria Sharapova ដោយទម្រង់លេងដ៏ ខ្លាំងក្លារបស់ខ្លួនដោយលើកពានជាលើកដំបូង នៅក្នុងកម្មវីធី China Open កាលពីថ្ងៃ អាទិត្យម្សិលមិញនេះ។

Victoria Azarenka សញ្ជាតិបេឡារ៉ូស លំដាប់ទី ១ ដោយបានបំបាក់កីឡាការិនី Maria Sharapova សញ្ជាតិរុស្ស៊ី ដោយពិន្ទុ 2-0 ពោលគ្រាប់បាល់ 6-3 និង 6-4 ដែលធ្វើឡើងនៅលើទីលាន National Tennis Centre នៅទីក្រុងតៃប៉ិ។

នេះ គឺជាលើកដំបូងហើយសម្រាប់ពានរបស់ Victoria Azarenka តាំងពីអាកខានលើកពានតាំងពីខែ មីនា នៅ BNP Paribas Open ហើយនេះក៏ជាលើកទី ៤ ដែរ ដែល Victoria Azarenka បំបាក់ Maria Sharapova ក្នុងការជួបគ្នា ៥លើកកន្លងមក ក្នុងការបង្ហាញទម្រង់លេងក្នុងរដូវកាលឆ្នាំនេះ។

Maria Sharapova គឺចាញ់ក្រោមទម្រង់លេងរបស់ Victoria Azarenka នៅក្នុងកម្មវិធី Australian Open នៅ វគ្គ ផ្តាច់ព្រ័ត្រ និងវគ្គពាក់កណ្តាលផ្តាច់ព្រ័ត្រនៅក្នុងកម្មវិធី US Open ជាចុងក្រោយនោះគឺ នៅក្នុងកម្មវីធី French Open នៅខែ ឧសភា៕