កីឡាករ Robert Lewandowski វិរៈបុរសស្វែងរក ៤ គ្រាប់តែម្នាក់ឯង ក្នុងជំនួបជើងទី ១ ជាមួយនឹង Real Madrid ក្នុងវគ្គពាក់កណ្តាលផ្តាច់ព្រ័ត្រ ក្នុងក្របខណ្ឌ UEFA Champions League បានយល់ព្រមទិញដូរជាមួយនឹងក្លិប ផ្សេង និងអាចចាកចេញពី Borussia Dortmund នារដូវកាលក្តៅនេះ នេះបើយោងតាមប្រភពព័ត៌មានរបស់តំណាងកីឡាកររូបនេះ។
ខ្សែប្រយុទ្ធសញ្ជាតិប៉ូឡូញ បានបញ្ជាក់ខ្លួនថា ខ្លួនកំពុងមានកេរ្តិ៍ឈ្មោះ បោះសំឡេងក្នុងព្រឹត្តិការណ៍ Europe ដែលអាចស្វែងរកគ្រាប់បាល់រហូតដល់ទៅ ៤ គ្រាប់ កាលពីយប់ថ្ងៃពុធ ក្នុងវគ្គពាក់កណ្តាលផ្តាច់ព្រ័ត្រ ដោយយកឈ្នះលើ Real Madrid 4-1។
តំណាងកីឡាករវ័យ ២៤ ឆ្នាំ បានបន្តទៀតថា Lewandowski អាចនឹងផ្លាស់ទៅកាន់ Bayern Munich ឬ Manchester United ខណៈដែលកំពុងមានទំនាក់ទំនងជាមួយនឹង ក្លិប សេះបង្កង់ Juventus ។
https://i1272.photobucket.com/albums/y389/domneng/robert-lewandowski_2545923b_zps781c6fea.jpg
Lewandowski សម្រាប់កុងត្រារបស់ខ្លួនជាមួយនឹងក្លិប នឹងបញ្ចប់នៅក្នុងឆ្នាំ ២០១៤ និងមិនទាន់ឃើញរបាយការណ៍ណាមួយបញ្ជាក់ថា កីឡាកររូបនេះ អាចនឹងផ្លាស់ទី ឬនៅទីនេះបន្តឲ្យជាក់លាក់នោះទេ។
បន្ទាប់ពីល្បីល្បាញ ដោយយកឈ្នះលើក្លិប Real ក្លិប Dortmund បានទទូចឲ្យដឹងថា ពួកគេមិនបោះបង់ក្តីសង្ឈឹមសម្រាប់ Lewandowski ពោលគឺមិនលក់ឲ្យក្លិបផ្សេងឡើយ។
តែទោះជាយ៉ាងណាក៏ដោយរបាយការណ៍ទិញដូរនៅអាល្លឺម៉ង់វិញ បានបង្ហាញឲ្យដឹងថា Lewandowski និងទៅតាម Mario Gotze ដោយចាកចេញពី Dortmund បន្ទាប់ពី ប្រជែងជាមួយនឹង Bayern នារដូវកាលនេះ៕