យោងតាមរយៈភស្តុតាងវីដេអូមួយដែលមានគុណភាពមិនសូវច្បាស់ល្អបានបញ្ជាក់ឲ្យដឹងថា Laptop Windows 8 របស់ក្រុមហ៊ុន Sony​ ជំនាន់ក្រោយគឺអាចបត់បាន។ វីដេអូនោះបានបង្ហាញពីការប្រើប្រាស់សម្រាប់​បង្រៀនបុគ្គលិកអ្នកលក់បន្តរបស់ PC World និង Currys នៅក្នុងចក្រភពអង់គ្លេស ដែល Ultrabook មានទំហំ 13 អ៊ីង ជាមួយនឹង Resolution 1080p Triluminos touchscreen។

គួរបញ្ជាក់ផងដែរថា Screen អាចរុញឡើងលើបញ្ចេញនូវ Keyboard ដែលប្រៀបដូចជា Laptop ហើយរុញចុះក្រោមវិញ​ដូចជា Tablet សម្រាប់ការរចនានេះ ក្រុមហ៊ុន Sony បានដាក់ឈ្មោះថា “SurfSlider design”៕