ប្រហែល ៣០ភាគរយ នៃករណីជំងឺមហារីក ទាំងអស់នៅក្នុងប្រទេសកេនយ៉ា ត្រូវបាន បង្កឡើងដោយ មេរោគអេដស៍។ បើយោងតាមការឲ្យដឹងពីមន្ត្រីជំងឺអេដស៍បានឲ្យដឹងនៅពីថ្ងៃអង្គារម្សិលមិញ។
លោក Sobbie Mulindi អនុប្រធានក្រុមប្រឹក្សា ត្រួតពិនិត្យ ប្រយុទ្ធនឹងជំងឺអេដស៍(NACC) បានប្រាប់ ទីភ្នាក់ងារព័ត៌មានចិន ស៊ិនហួ ថា ឥឡូវនេះរដ្ឋាភិបាលបានបង្កើនអន្តរាគមន៍ ដើម្បីកាត់បន្ថយជំងឺ កាមរោគ ។
” មហារីកមាត់ស្បូន មហារីកលិង្គ និង ជំងឺមហារីកដទៃទៀត គឺទាក់ទងទៅនឹង ការឆ្លងមេរោគអេដស៍ “។នេះជាសំដីរបស់លោក Mulindi បានថ្លែងបញ្ជាក់បន្ថែម។
NACC បាននិយាយថា រដ្ឋាភិបាលបាន ចាត់វិធានការ ក្នុងការបម្រុងទុក ប្រភពធនធានបន្ថែមទៀត ដើម្បីប្រយុទ្ធប្រឆាំងនឹង ជំងឺមហារីក និងការឆ្លងមេរោគអេដស៍។
ទិន្នន័យពីក្រសួងសុខាភិបាល បានបង្ហាញថា ជនជាតិកេនយ៉ា មានចំនួនប្រមាណ ២២.០០០នាក់ បានបាត់បង់ជីវិតដោយសារជំងឺ ជំងឺមហារីក កាលពីឆ្នាំ ២០១៣ ខណៈដែល ២៨.០០០នាក់ ត្រូវបានធ្វើរោគវិនិច្ឆ័យ៕