កាលពីខែមករា ដើមឆ្នាំ មានព័ត៌មានចុះផ្សាយថា ក្រុមហ៊ុនស្មាតហ្វូន​ Huawei នឹងរៀបចំព្រឹត្តិការណ៍ធំមួយ​នៅ​​ថ្ងៃទី១៥ ខែមេសា ក្នុងទីក្រុងឡូងដ៍ ដើម្បីបង្ហាញស្មាតហ្វូនថ្មី Huawei P8 ដោយឡែកនៅពេលនេះ Huawei បានផ្ញើលិខិតអញ្ជើញភ្ញៀវឲ្យចូលរួម។

យោងតាមលិខិតអញ្ជើញបានឲ្យដឹងថា ព្រឹត្តិការណ៍នោះនឹងចាប់ផ្ដើមនៅម៉ោង ៣រសៀល ម៉ោងក្នុងតំបន់ ដោយ​នៅ​ក្នុងកម្មវិធីនោះ ត្រូវបានគេរំពឹងថា នឹងបង្ហាញ Huawei P8 ដែលជាស្មាតហ្វូនថ្មី អេក្រង់ទំហំ ៥,២អ៊ីង និងមាន RAM ទំហំ 3GB ជាពិសេសគឺកាម៉េរាទំហំ ១៣មេហ្គាភិចសែល៕