ប៉ាគីស្ថាន៖ រដ្ឋាភិបាលប៉ាគីស្ថាន បានឲ្យដឹងថា អ្នកស្លាប់ដោយសារលកកម្ដៅ បានកើនដល់ ១២៥០នាក់ ដែលជាបញ្ហាធ្ងន់ធ្ងរសម្រាប់ប្រទេសមួយនេះ។
តាមការបញ្ជាក់របស់មន្ត្រីសុខាភិបាលប៉ាគីស្ថាន បានឲ្យដឹងថា រលកកម្តៅដ៏ឃោរឃៅនេះ បានវាយប្រហារទីក្រុង Karachi និងខេត្ត Sind ភាគខាងត្បូង ប៉ាគីស្ថាន នៅក្នុងខែមិថុនា ហើយបើតាមការបញ្ជាក់ពីនាយករដ្ឋមន្ត្រីប៉ាគីស្ថាន លោក Nawaz Sharif បានឲ្យដឹងថា មានមនុស្សសរុបចំនួន ៦៥០០០នាក់ ដែលទទួលរងជំងឺដោយសារបញ្ហារលកកម្តៅ។
គួរបញ្ជាក់ផងដែរថា មុនពេលកើតមានរលក់កម្ដៅខ្លាំងនៅប្រទេសប៉ាគីស្ថាន ប្រទេសឥណ្ឌាដែលជាអ្នកជិតខាងក៏បានជួបបញ្ហារលកកម្ដៅនេះផងដែរ ដោយបានសម្លាប់មនុស្សជាច្រើននាក់៕