(ផ្ល័រីដា)៖ អតីតប្រធានាធិបតីអាមេរិក លោក ដូណាល់ ត្រាំ បានថ្កោលទោសប្រតិបត្តិការយោធារបស់រុស្ស៊ីប្រឆាំងអ៊ុយក្រែន ហើយថារូបលោកកំពុង បន់ស្រន់ឱ្យប្រជាជនអ៊ុយក្រែន។
ការកត់សម្គាល់ខាងលើរបស់លោក ដូណាល់ ត្រាំ ធ្វើឡើងនៅឯសន្និសីទអ្នកភិរក្សនិយម CPAC រៀបចំឡើងក្នុងរដ្ឋផ្លរីដា កាលពីថ្ងៃសៅរ៍ចុងសប្ដាហ៍ នេះ។ ថ្លែងទៅកាន់អ្នកចូលរួម ហើយក្រៅតែពីថ្កោលទោសរុស្ស៊ី លោក ត្រាំ ក៏បានឆ្លៀតរិះគន់លោក ចូ បៃដិន និងបង្ហើបពីចេតនាចង់ឈរឈ្មោះ ជាបេក្ខជនប្រធានាធិបតីអាមេរិក នៅឆ្នាំ២០២៤។
លោក ដូណាល់ ត្រាំ ក៏បានហៅប្រធានាធិបតីអ៊ុយក្រែន លោក ហ្សេឡិនស្គី ថាជា «បុរសក្លាហានម្នាក់» ដែរ បន្ទាប់ពីលោកផ្ទាល់កាលពីដើម សប្ដាហ៍កន្លងទៅនេះ ហៅប្រធានាធិបតីរុស្ស៊ី លោក ពូទីន ជា «មនុស្សឆ្លាតម្នាក់»៕
ប្រភព៖ Reuters
