(តូក្យូ)៖ ក្រសួងហិរញ្ញវត្ថុនៃប្រទេសជប៉ុន បានចេញសេចក្តីសម្រេច នៅថ្ងៃអង្គារនេះ ដើម្បីបង្កកទ្រព្យសម្បតិ្តរបស់ពលរដ្ឋរុស្ស៊ី ចំនួន១៧នាក់បន្ថែមទៀត។

បើតាមក្រសួងហិរញ្ញវត្ថុជប៉ុន សមាជិកសភាជាន់ទាបនៃសហព័ន្ធរុស្ស៊ី ចំនួន១១នាក់ រួមជាមួយ សមាជិកគ្រួសារ៥នាក់ របស់លោក Yuri Kovalchuk ដែលជាធនាគារិករុស្ស៊ីម្នាក់ ដែលត្រូវបានគេដឹងថា មានទំនាក់ទំនងជិតស្និទ្ធជាមួយលោក ពូទីន ព្រមទាំងមហាសេដ្ឋី វីកទ័រ វ៉េគសែលបឺគ (Viktor Vekselberg) ត្រូវបានកំណត់គោលដៅ ក្នុងការដាក់ទណ្ឌកម្មនេះ។

ចំណាត់ការថ្មីនេះ នាំឲ្យចំនួនជនជាតិរុស្ស៊ី ដែលត្រូវបានប្រទេសជប៉ុនដាក់គោលដៅបង្កកទ្រព្យសម្បត្តិ សរុបកើនឡើងដល់៦១នាក់៕

ប្រភព៖ Reuters