នៅវេលាម៉ោងប្រមាណ ២:០០រសៀល ថ្ងៃទី១១ ខែកក្កដា ឆ្នាំ២០២៦។ មានករណីអគ្គិភ័យមួយ បានឆាបឆេះរោងចក្រ ផលិតស្នោរមួយកន្លែង ស្ថិតក្នុងសង្កាត់រលួស ខណ្ឌដង្កោ រាជធានីភ្នំពេញ។
ភ្លាមៗក្រោយទទួលបាន ព័ត៌មាន កម្លាំងនគរបាលបង្ការ ពន្លត់អគ្គិភ័យ និងសង្គ្រោះ បានចេញរថយន្តពន្លត់ អគ្គិភ័យជាច្រើនគ្រឿង ចុះអន្តរាគមន៍បាញ់ពន្លត់យ៉ាងសកម្ម ដើម្បីទប់ស្កាត់កុំឱ្យអណ្តាតភ្លើងរាលដាលកាន់តែធំ និងប៉ះពាល់ដល់លំនៅឋានរបស់ប្រជាពលរដ្ឋនៅក្បែរនោះ។
មូលហេតុនៃការឆាបឆេះ និងទំហំនៃការខូចខាត មិនទាន់ត្រូវបានសមត្ថកិច្ចបញ្ជាក់នៅឡើយទេ ខណៈប្រតិបត្តិការពន្លត់អគ្គិភ័យកំពុងបន្ត។
