ជនសង្ស័យដែល លួចម៉ូតូ នៅចំណុចមុខសួនកុមារ ផ្លូវស៊ួរស្រុន សង្កាត់ចតុមុខ ខណ្ឌដូនពេញ ត្រូវបានស្រាវជ្រាវឈានដល់ការបង្ក្រាបឃាត់ខ្លួនហេីយ

រាជធានីភ្នំពេញ៖ ជនសង្ស័យ លួចម៉ូតូ នៅចំណុចមុខសួនកុមារ ផ្លូវស៊ួរស្រុន ភូមិ៣ សង្កាត់ចតុមុខ ខណ្ឌដូនពេញ បានស្រាវជ្រាវឈានដល់ការបង្ក្រាប និងឃាត់ខ្លួនបានជនសង្ស័យក្នុងករណី: (លួចមានស្ថានទម្ងន់ទោស ,យកដែកចុងស្រួចចាក់បំបែកគ្រាប់សោរម៉ូតូ)! លួចបានសម្រេច នៅចំណុចមុខសួនកុមារ ផ្លូវស៊ួរស្រុន ភូមិ៣ សង្កាត់ចតុមុខ ខណ្ឌដូនពេញ។

ជនសង្ស័យ ឈ្មោះ ចាន់ ពន្លឺ ភេទប្រុស អាយុ២២ឆ្នាំ (មានសារធាតុញៀនក្នុងទឹកនោម) បានធ្វេីសកម្មភាពយកដែកចុងស្រួច កាច់ក.ម៉ូតូ ម៉ាកហុងដាបីត ពណ៌ខ្មៅ សេរីឆ្នាំ២០២៤ ស្លាកលេខក្រចេះ ១G-៧៧៣៦ ដែលជនរងគ្រោះជិះមកចូលបន្ទប់ទឹក ។

ក្រោយទទួលពាក្យបណ្តឹងជនរងគ្រោះ សមត្ថកិច្ចជំនាញ ប៉ុស្តិ៍ចតុមុខ ខណ្ឌដូនពេញ បានកំណត់អត្តសញ្ញាណជនសង្ស័យ បន្តស្រាវជ្រាវរហូតដល់ ថ្ងៃទី០៥ ខែ កក្តដា ឆ្នាំ២០២៦ វេលាម៉ោង១៦:០០នាទីល្ងាច ទេីបឃាត់បានជនសង្ស័យម្នាក់ យកមកធ្វេីការសាកសួរ ។

បច្ចុប្បន្ន សមត្ថកិច្ចកម្លាំងជំនាញ កំពុងអនុវត្តវិធានកាណ៍ លេីជនសង្ស័យ និងបន្តស្រាវជ្រាវ តាមចាប់ខ្លួនគូរកនម្នាក់ទៀត ដែលកំពុងរត់គេចខ្លួន រួមទាំងម៉ូតូរបស់ជនរងគ្រោះផងដែរ! ៕