ជនសង្ស័យបាន០៦នាក់ ជាមុខសញ្ញាកាប់ប្លន់យ៉ាងសកម្ម នៅក្រុងប៉ោយប៉ែត ខេត្តបន្ទាយមានជ័យ! ត្រូវកម្លាំងអធិការនគរបាលក្រុងប៉ោយប៉ែត បង្ក្រាបបានហើយ !!!

ខេត្តបន្ទាយមានជ័យ÷ កាលពីថ្ងៃទី ១៣ ខែកក្កដា ឆ្នាំ២០២៦ វេលាម៉ោង០១:៣០នាទី (រំលងអាធ្រាត្រ) កម្លាំងប៉ុស្តិ៍ផ្សារកណ្ដាលបានធ្វើការសហការជាមួយ អធិការនគរបាលក្រុងប៉ោយប៉ែត បានធ្វើការល្បាតពួនស្ទាក់នៅក្នុងភូមិសាស្រ្តក្នុងក្រុងប៉ោយប៉ែត ។ ហើយពេលនោះ! កម្លាំងប៉ុស្តិ៍ផ្សារកណ្ដាល បានឃាត់ខ្លួនបានជនសង្ស័យបានជនសង្ស័យចំនួន ០៦នាក់ រួមមាន : ១- ឈ្មោះ ទូច ណារ៉ុង ភេទប្រុសអាយុ១៨ ឆ្នាំ រស់នៅភូមិក្បាលស្ពាន១ (ដៃដល់), ២- ឈ្មោះ លាត សុជា ភេទប្រុស អាយុ១៨ ឆ្នាំ រស់នៅភូមិព្រៃព្រិច(បើកម៉ូតូ), ៣- ឈ្មោះ សុខ ជា ភេទប្រុស ហៅ(ង៉ោល) អាយុ១៩ ឆ្នាំ រស់នៅភូមិផ្សារកណ្ដាល(ដៃដល់) , ៤- ឈ្មោះសឹង្ហ វីរៈ ភេទប្រុសអាយុ១៩ ឆ្នាំ រស់នៅភូមិផ្សារកណ្ដាល(បើកម៉ូតូ) ,៥- ឈ្មោះ ភ័ណ្ឌ ភក្តី ភេទប្រុសអាយុ១៥ ឆ្នាំ រស់នៅភូមិទួលប្រាសាទ(បើកម៉ូតូ) , ៦- ឈ្មោះឈាង វ៉ាន់ឆៃភេទប្រុស អាយុ ២១ ឆ្នាំរស់នៅភូមិផ្សារកណ្ដាល (ដៃដល់)។

ដកហូតបានសម្ភារៈមធ្យោបាយបានម៉ូតូសរុប ចំនួន០៣គ្រឿង ម៉ាក Honda Dream ពណ៌ខ្មៅ និងពណ៌ក្រហម ។

តាមចម្លើយសារភាពរបស់ជនសង្ស័យ ពួកគេពិតជាបានធ្វើសកម្មភាពកាប់ប្លន់ម៉ូតូរបស់ជនរងគ្រោះជាច្រើនលើកពិតប្រាកដមែន!។

ជនសង្ស័យសារភាពទៀតថា: ក្រោយពេលកាប់ប្លន់ម៉ូតូបានសម្រេច! ពួកគេបានឲ្យខាង០១ក្រុមទៀត យកទៅលក់នៅខេត្តសៀមរាប ចំនួន០២គ្រឿងមកហើយ! តែក្រុមនោះអត់បានអោយលុយពួកគេទេ គឺស៊ីដាច់តែម្តង! ហើយខាងក្រុម០១នោះ បានគេចខ្លួនឡើងទៅភ្នំពេញអស់ហើយ !!!។
សូមបញ្ជាក់ថា: ក្រុមជនសង្ស័យ
ទាំង០៦នាក់ ខាងលើនេះ ជាមុខសញ្ញាកាប់ប្លន់យ៉ាងសកម្មនៅក្នុងមូលដ្ឋាន ក្រុងប៉ោយប៉ែត ខេត្តបន្ទាយមានជ័យ ។

បច្ចុប្បន្ន ជនសង្ស័យខាងលើត្រូវបានសមត្ថកិច្ចជំនាញ កសាងសំណុំរឿង ចាត់ការបន្តតាមនីតិវិធីច្បាប់!៕