រាជធានីភ្នំពេញ: ជនសង្ស័យ ចំនួន០២នាក់ ត្រូវបានកម្លាំងសម្ថកិច្ចប៉ុស្តិ៍ចោមចៅ៣ ស្រាវជ្រាវឃាត់ខ្លួន កាលពីថ្ងៃទី២០ ខែកក្កដា ឆ្នាំ២០២៦នេះ (ម៉ោង៣ទាបភ្លឺ) នៅចំណុចភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។ គឺក្រោយពួកគេធ្វេីសកម្មភាពគាស់ទ្វារផ្ទះប្រជាពលរដ្ឋលួចទ្រព្យសម្បត្តិ កាលពីថ្ងៃទី១៨ ខែកក្កដា ឆ្នាំ២០២៦ វេលាម៉ោង ០៧:៣០នាទីយប់ នៅចំណុចផ្ទះគ្មានលេខ ស្ថិតនៅភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។

ជនសង្ស័យទាំង០២នាក់ មានឈ្មោះ :
១- ឈ្មោះ ហ៊ុយ សុផារាជ ភេទប្រុស អាយុ៣៣ឆ្នាំ ជនជាតិខែ្មរ មុខរបរ (មិនពិតប្រាកដ) មានទីលំនៅ ភូមិព្រៃព្រីងខាង ត្បូង សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

២- ឈ្មោះ សុ ខុនវិផា ភេទប្រុស អាយុ២៨ឆ្នាំ ជនជាតិខែ្មរ មុខរបរ (មិនពិតប្រាកដ) មានទីលំនៅ ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ចំណែកជនរងគ្រោះ ឈ្មោះ នូ ស្រីឈូក ភេទស្រី អាយុ៣៥ ឆ្នាំ ជនជាតិ ខ្មែរ ទីលំនៅបច្ចុប្បន្ន ផ្ទះលេខ២៥ ផ្លូវជាតិលេខ៤ ភូមិព្រៃព្រីងខាងជើង១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

វត្ថុតាងចាប់យករួមមាន :
– មេសោរ ចំនួន ០១(របស់ជនរងគ្រោះ)
– ដែកឆាប ចំនួន ០៦ដើម(របស់ជនសង្ស័យទាំង០២នាក់)
– ទួលណាវីស ចំនួន ០៥ដើម (របស់ជនសង្ស័យទាំង០២នាក់)
– ដែកកាប់ ចំនួន ០១(របស់ជនសង្ស័យទាំង០២នាក់)
– កន្រ្តៃ ចំនួន ០១(របស់ជនសង្ស័យទាំង០២នាក់)
– ទូរស័ព្ទម៉ាក VIVO ពណ៌ខៀវ ស៊ីមកាតលេខ (របស់ជនសង្ស័យ ឈ្មោះ ហ៊ុយ សុផារាជ)។

បច្ចុប្បន្ន ជនសង្ស័យ រួមនិងវត្ថុតាងខាងលេី ត្រូវបានសមត្ថកិច្ច កសាងសំណុំរឿង ចាត់វិធានការបន្តបញ្ជូន
តាមនីតិវិធីច្បាប់! ៕