ខេត្តព្រះសីហនុ-សមត្ថកិច្ចខេត្តព្រះសីហនុ បង្ក្រាបជនសង្ស័យជាជនជាតិវៀតណាមចំនួន៣នាក់ ដែលធ្វើសកម្មភាពប្លន់តាមផ្ទះលក់ចាប់ហួយ ក្នុងក្រុងព្រះសីហនុ។
របាយការណ៍ពីស្នងការនគរបាលខេត្តព្រះសីហនុឲ្យដឹងថា នៅថ្ងៃទី៤ ខែសីហា ឆ្នាំ២០២៦ កម្លាំងជំនាញផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្តព្រះសីហនុ សហការជាមួយអធិការដ្ឋាននគរបាលក្រុងព្រះសីហនុ បានបើកការស្រាវជ្រាវភ្លាមៗ ក្រោយទទួលព័ត៌មានពី អំពើប្លន់ផ្ទះលក់ចាប់ហួយចំនួន២ករណី នៅសង្កាត់លេខ៣ និងសង្កាត់លេខ៤ ក្រុងព្រះសីហនុ បង្កឡើងដោយក្រុមជនសង្ស័យមួយក្រុម ក្នុងនោះកម្លាំងជំនាញបានឃាត់ខ្លួនជនសង្ស័យជាជនជាតិវៀតណាមចំនួន៣នាក់ និងឆែកឆេរទីតាំងលាក់ខ្លួនចំនួន២កន្លែង ដកហូតបានអាវុ.ធខ្លី១ដើម គ្រាប់កាំ ភ្លើ.ង សារធាតុសង្ស័យជាគ្រឿងញៀន ព្រមទាំងសម្ភារៈពាក់ព័ន្ធនឹងការប្រព្រឹត្តបទល្មើស និងវត្ថុតាងមួយចំនួនទៀត ។
បច្ចុប្បន្ន ជនសង្ស័យទាំង៣នាក់ កំពុងស្ថិតក្រោមការសាកសួរ និងកសាងសំណុំរឿង ដើម្បីចាត់ការតាមនីតិវិធីច្បាប់ ៕(រូបភាពពីន.ប)