បាត់ដំបងៈ ដោយអនុវត្តដីការបង្គាប់ខ្លួនលេខ ០៧៥ សណ ចុះថ្ងៃទី៩ ខែមីនា ឆ្នាំ២០១៦ របស់ចៅក្រម អ៊ិត សម្ជស្ស បញ្ជាឲ្យចាប់ជនសង្ស័យម្នាក់ពីបទប៉ុនប៉ងមនុស្សឃាតដោយចេតនា នៅភូមិទួលតាឯក សង្កាត់ទួលតាឯក ក្រុងបាត់ដំបង។
លោកវរសេនីយ៍ត្រី ប៉ាង ហៀង អធិការនគរបាលក្រុង បាត់ដំបង បានឲ្យដឹងថា នៅថ្ងៃទី៨ ខែតុលា ឆ្នាំ២០១៦ កម្លាំងអធិការដ្ឋាននគរបាលក្រុងបាត់ដំបង បានឃាត់ខ្លួនជនសង្ស័យ១នាក់ឈ្មោះ មៀន រិទ្ធី ភេទប្រុស រស់នៅ ភូមិទួលតាឯក សង្កាត់ទួលតាឯក ក្រុងបាត់ដំបង បាន ប្រព្រឹត្តិកាលពីថ្ងៃទី១៧ ខែធ្នូ ឆ្នាំ២០១៥។
ករណីនេះ សមត្ថកិច្ចក្រុងកំពុងរៀបចំសំណុំរឿងបញ្ជូនទៅ សាលាដំបូងខេត្ត ដើម្បីចាត់ការបន្តតាមនីតិវិធីច្បាប់៕
