Post News Media ព័ត៌មានជាតិ ម៉ាឡេស៊ីប្រកា...

ម៉ាឡេស៊ីប្រកាសអនុញ្ញាតទទួលយកពលករខ្មែរទៅធ្វើការនៅម៉ាឡេស៊ី

ចែកចាយបន្ត

ភ្នំពេញ: លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវ: បានអនុញ្ញាតឱ្យ លោក Dato Sri Hasan Malek ឯកអគ្គរដ្ឋទូតម៉ាឡេស៊ីប្រចាំព្រះរាជាណាចក្រកម្ពុជា បានចូលជួបសម្តែងការគួរសម និងស្វែងយល់ពីវិស័យការងារ និងបណ្តុះបណ្តាលវិជ្ជាជីវ:កម្ពុជា ព្រមទាំងពិភាក្សលើកិច្ចសហប្រតិបត្តិរវាងកម្ពុជា និងម៉ាឡេស៊ី នាព្រឹកថ្ងៃទី១១ ខែតុលា ឆ្នាំ២០១៦ នៅទីស្តីការក្រសួង។

ក្នុងជំនួបនេះ ភាគីទាំងពីរបានឯកភាពជំរុញឱ្យក្រុមការងារបច្ចេកទេសនៃប្រទេសទាំងពីរបន្តបញ្ចប់នូវនីតិវិធីប្រតិបត្តិពិសេស (SOP) សម្រាប់ការបញ្ចូល និងគ្រប់គ្រងពលករទៅធ្វើការនៅប្រទេសម៉ាឡេស៊ីឱ្យបានឆាប់ ដើម្បីចាប់ផ្តើមអនុវត្តនូវអនុស្សរណ:យោគយល់គ្នា (MOU) ដែលរដ្ឋាភិបាលទាំងពីរ បានចុះហត្ថលេខាកាលថ្ងៃទី១០ ខែធ្នូ ឆ្នាំ២០១៥ នៅប្រទេសម៉ាឡេស៊ីកន្លងទៅ។

ថ្មីៗនេះ ភាគីម៉ាឡេស៊ី បានជូនដំណឹងដល់ភាគីកម្ពុជាអំពីការអនុញ្ញាតឡើងវិញក្នុងការជ្រើសរើសពលករថ្មីសម្រាប់វិស័យ៣គឺ៖ ១-ការងាររោងចក្រ ២-ការងារសំណង់ ៣-ការងារដាំដុះ។

ពាក់ព័ន្ធនឹងការបណ្តុះបណ្តាលវិជ្ជាជីវ: កន្លងមកភាគីម៉ាឡេស៊ីក៏បានផ្តល់ការបណ្តុះណ្តាលដល់គ្រូបង្គោលជាច្រើនរបស់ក្រសួង ភាគីម៉ាឡេស៊ីនឹងបន្តនូវកិច្ចសហប្រតិបត្តិការនេះឱ្យកាន់តែទូលំទូលាយថែមទៀត។

លោកអគ្គរដ្ឋទូតបានជម្រាបជូនផងដែរ ពីគម្រោងដែលក្រុមហ៊ុនមួយរបស់ម៉ាឡេស៊ីគ្រោងនឹងបើកវិទ្យាស្ថានបណ្តុះបណ្តាលបច្ចេកទេសលើវិស័យអាកាសចរណ៍ ជាពិសេសផ្នែកវិស្វករយន្តហោះ ផែ្នកជួសជុលយន្តហោះ ផ្នែកថែទាំយន្តហោះ និងជំនាញបើកបរយន្តហោះផងដែរ៕

photo_2016-10-11_16-11-40

photo_2016-10-11_16-11-30

photo_2016-10-11_16-11-35

photo_2016-10-11_16-11-38