Post News Media ព័ត៌មានជាតិ កិច្ចប្រជុំដា...

កិច្ចប្រជុំដាក់ផែនការពង្រឹងសមត្ថភាពការងារ កងកម្លាំងអាវុធហេត្ថខេត្តបន្ទាយមានជ័យ

ចែកចាយបន្ត

បន្ទាយមានជ័យ: នៅព្រឹកថ្ងៃទី១៣ ខែតុលា ឆ្នាំ២០១៦ នៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យ បានបើកកិច្ចប្រជុំ ត្រួតពិនិត្យការអនុវត្តន៍តួនាទី ភារកិច្ច និងការងារកងរាជអាវុធហត្ថខែតុលា ទិសដៅ ខែវិច្ឆកា ឆ្នាំ២០១៦ ក្រោមអធិបតីភាពលោកសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្ត ដោយមានការចូលរួមពីសំណាក់ មេបញ្ជាការរង នាយរងសេនាធិការ ប្រធាន អនុមន្ទីរ នាយ នាយរងការិយាល័យ មេបញ្ជាការ មេបញ្ជាការរងមូលដ្ឋាន ក្រុង ស្រុក និងស្នាក់ការសន្តិសុខ ចំនួន៩៧នាក់។

លោកឧត្តមសេនីយ៍មេបញ្ជាការ បានផ្សព្វផ្សាយផែនការ ស្តីពីកិច្ចការពារសន្តិសុខរក្សាសុវត្ថិភាព សណ្តាប់ធ្នាប់ជូនថ្នាក់ដឹកនាំជាន់ខ្ពស់នៃព្រះរាជាណាចក្រកម្ពុជា ក្នុងដំណើរចុះសួរសុខទុក្ខមន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋក្នុងភូមិសាស្រ្តខេត្តបន្ទាយមានជ័យ។ លោកមេបញ្ជាការបានមានប្រសាសន៍ផ្តាំផ្ញើបន្ថែមទៀតថា គ្រប់គោលដៅឈរជើងត្រូវយកចិត្តទុកដាក់ខ្ពស់បំផុតក្នុងកិច្ចការការពារទាំងគោលដៅតាមដងផ្លូវនិងគោលដៅប្រារព្វពិធីផ្សេងៗនិងកម្លាំងល្បាតចល័តផងដែរ។

ក្នុងកិច្ចប្រជុំនោះដែរ លោកមេបញ្ជាការ បានផ្សព្វផ្សាយសារាចរណែនាំលេខ02 ស រ ណ ន ចុះថ្ងៃទី១៩ ខែមេសា ឆ្នាំ២០១៦ របស់រាជរដ្ឋាភិបាលស្ដីពីការគ្រប់គ្រងរថយន្តនាំចូលដោយពន្ធអាករជាបន្ទុករបស់រដ្ឋ និងការកត់ត្រាក្នុងបញ្ជីសារពើភណ្ឌទ្រព្យសម្បត្តិរដ្ឋ ដូចខាងក្រោម៖

១. ឥស្សរជន ឬសាមីមន្ត្រីនៃក្រសួងការពារជាតិម្នាក់ នឹងទទួលបានការអនុគ្រោះពន្ធនិងអាករជាបន្ទុករដ្ឋលើរថយន្តតែ១គ្រឿងតែប៉ុណ្ណោះសម្រាប់បម្រើការងារ។

២. រថយន្តទេសចរណ៍ដែលគ្មានពន្ធ ហើយស្នើសុំដាក់ពន្ធនិងអាករជាបន្ទុករដ្ឋ ត្រូវស្ថិតនៅក្នុងប្រទេស និងត្រូវមានបែបបទកត់ត្រាក្នុងបញ្ជីសារពើភណ្ឌ មុនថ្ងៃចេញសារាចរណែនាំលេខ02 សរណន ចុះថ្ងៃទី19 ខែមេសា ឆ្នាំ2016។ ចំពោះរថយន្តដែលនាំចូលក្រោយកាលបរិច្ឆេទនៃការចេញសារាចរណែនាំលេខ02 ត្រូវគោរពដាច់ខាតតាមស្មារតីនៃសារាចរណែនាំនេះ។

៣. រថយន្តដែលទទួលបានការដាក់ពន្ធ និងអាករជាបន្ទុករដ្ឋត្រូវបិទលតាប័ត្រស្របតាមខ្លឹមសារនៃសារាចរណែនាំលេខ02 និងត្រូវកត់ត្រាក្នុងបញ្ជីសារពើភណ្ឌទ្រព្យសម្បត្តិរដ្ឋ ដោយមិនអាចលក់ដូរឬផ្ទេរបានឡើយ។ ក្នុងករណីជំរះបញ្ជីសារពើភណ្ឌនេះផងដែរត្រូវអនុវត្តន៍តាមនីតិវិធីគ្រប់គ្រងទ្រព្យសម្បត្តិរដ្ឋជាធរមាន៕

photo_2016-10-13_11-44-44

photo_2016-10-13_11-44-38

photo_2016-10-13_11-44-40

photo_2016-10-13_11-44-42