Post News Media ព័ត៌មានជាតិ ក្រុមឈ្មួញកំព...

ក្រុមឈ្មួញកំពុងសម្រុកដឹកឈើចេញដូចព្យុះក្នុងឃុំថ្មី និងឃុំ កន្ទួត ស្រុកចិត្របុរី

ចែកចាយបន្ត

ក្រចេះ៖ តាមសេចក្ដីរាយការណ៍ពីរប្រជាពលរដ្ឋនៅភូមិ១០៥ ឃុំថ្មី ស្រុកចិត្របុរី ខេត្តក្រចេះ គឺជារៀងរាល់ថ្ងៃ គេសង្កេតឃើញគោយន្ដដឹកឈើប្រភេទសុក្រំ និងប្រភេទធ្នង់មិនក្រោម ពី ៣០ទៅ៤០គោយន្ដនោះទេក្នុងមួយថ្ងៃ មិនដែលឃើញជំនាញរដ្ឋបាលព្រៃឈើ ឬសមត្ថកិច្ចណាទប់ស្កាត់ឡើយ។

ជាក់ស្ដែងភូមិស្រះឃុំថ្មី បានប្រទះឃើញគោយន្តកន្ត្រៃដឹកឈើសុក្រំ ផែ និងខ្លុម ជាច្រើនគ្រឿង នៅពេលដែលអ្នកសារព័ត៌មានបានធ្វើការសាកសួរ ម្ចាស់គោយន្ដកន្ត្រៃបាននិយាយថា គាត់ដឹកឲ្យថៅឈ្មាះលោកថា តែចំនួន០៣ គោយន្ដកន្ត្រៃទេ ឯផ្សេងគាត់មិនដឹងទេ។ គាត់បន្តទៀតថា ការដឹកនេះគឺរត់ការ រួចអស់ហើយដែរ ហើយពួកគាត់បានបង្ហាញលេខទូរស័ព្ទសម្ថកិច្ចទាំងនោះ ដែលគេបានរត់ការរួច បន្តិចក្រោយមកលោកថៅកែឈ្មោះថា នោះបានទូរសព័្វទៅម្ចាស់គោយន្ដកន្ត្រៃថា ពួកឯងបើកចេញមកទៅខ្លាចអីត្រឹមពួកកាសែតហ្នឹង បើសមត្ថកិច្ចអញរត់ការ រួចអស់ហើយ នៅពេលអ្នកសារព័ត៌មានរាយការណ៍ទៅ លោកកែវ ចំណាន នាយសង្កាត់រដ្ឋបាលព្រៃឈើកន្ទួតដើម្បីឲ្យមានវិធានការចំពោះបទល្មើសខាងលើ លោកកែវ ចំណានបាននិយាយថា ចាប់ធ្វើអីឈើទាំងនេះខ្ញុំក៏បានដឹងដែរ តែវាសុទ្ធតែជារបស់គ្នាឯងទេ។

លោកកែវចំណានបានឲ្យដឹងទៀតថា ថៅកែនៅកន្ទួតមានច្រើនណាស់ តែមិនបានបញ្ចេញឈ្មោះទេ ហើយឈើទាំងនេះគឺអា នៅចំណុចអូរឫស្សីជិតតុងម៉ិន ដឹកចេញតាមភូមិ១០៥ ឃុំថ្មី នឹងឃុំកន្ទួតរួចដឹកតាមឡាន ហាយលែនឌ័រ បាឡែន កាម៉ារីហើម តាមផ្លូវជាតិលេខ ៧ A យកទៅលក់នៅ ស្រុកស្នួលនិងឆ្លងទៅប្រទេសវៀតណាមជារាងរាល់ថ្ងៃ៕

photo_2016-10-18_22-24-57

photo_2016-10-18_22-24-59

photo_2016-10-18_22-25-01

photo_2016-10-18_22-25-09

photo_2016-10-18_22-25-10

photo_2016-10-18_22-25-12

photo_2016-10-18_22-25-14

photo_2016-10-18_22-25-16

photo_2016-10-18_22-25-17