Post News Media ព័ត៌មានជាតិ កាប់ត្រូវក្បា...

កាប់ត្រូវក្បាលមួយកាំបិតបុង័តោ សំណាងអត់មុត!

ចែកចាយបន្ត

ព្រៃវែង: ក្មេងទំនើងពីរនាក់ ត្រូវបានសមត្ថកិច្ចប៉ុស្តិ៍ឃុំធាយ ធ្វើចាប់ខ្លួនក្រោយពីបានធ្វើសកម្មភាពយកកាំបិតបុង័តោ កាប់មកលើយុវជនម្នាក់បណ្តាលឲ្យរងរបួសស្រាល ខណ:ដែលជនរងគ្រោះកំពុងឈរលេងនៅលើស្ពានស្នេហ៍។ ហេតុការណ៍នេះបានកើតឡើងកាលពីវេលាម៉ោង៣និង៣០នាទីរសៀល ថ្ងៃទី១៨ ខែតុលា ឆ្នាំ២០១៦ ចំណុចស្ពានស្នេហ៍ ចំណុចបង្ហៀរទឹក ស្ថិតក្នុងភូមិស្នេហ៍ ឃុំធាយ ស្រុកបាភ្នំ ខេត្តព្រៃវែង។

សមត្ថកិច្ចប៉ុស្តិ៍ឃុំធាយ បានឲ្យដឹងថា ជនបង្កទាំង២នាក់ដែលសមត្ថកិច្ចចាប់ខ្លួនខាងលើនេះទី១មានឈ្មោះ ផល ពិសិទ្ធ ភេទប្រុស អាយុ១៨ឆ្នាំ និងទី២ឈ្មោះ ឆន ដារ៉ាភេទប្រុស អាយុ២៥ឆ្នាំ អ្នកទាំង២រស់នៅភូមិជ្រួលថ្មី ឃុំរក្សជ័យ ស្រុកបាភ្នំ ខេត្តព្រៃវែង។

យោងតាមប្រភពព័ត៌ពីប្រជាពលរដ្ឋដែលនៅកន្លែងកើតហេតុ បានឲ្យអ្នកយកព៍ត៌មានយើងដឹងថា មុនពេលកើតហេតុ ជនរងគ្រោះឈ្មោះ ផៃ ចាន់ ភេទប្រុស អាយុ២៣ឆ្នាំ រស់នៅភូមិស្នេហ៍ ឃុំធាយ ស្រុកបាភ្នំ ខេត្តព្រៃវែង កំពុងឈរលេងនៅលើស្ពានស្នេហ៍ ខណ:ដែលជនរងគ្រោះកំពុងតែឈរស្រាប់តែមានម៉ូតូប្រហែលជា១០គ្រឿង បានជិះកាត់ហើយពេលនោះស្រាប់តែជនបង្ក មានគ្នាពីរនាក់ បានជិះម៉ូតូមួយគ្រឿង ម៉ាកហុងដាសេ១២៥ ពណ៌ខ្មៅ ពាក់ស្លាកលេខ ភ្នំពេញ 1BB-3088 ស៊េរីឆ្នាំ២០១១ បានឈប់ម៉ូតូរួចទាញកាំបិតបុង័តោ ហក់មកកាប់ជនរងគ្រោះតែបានជនរងគ្រោះឃើញក៏បានគេច តែក៏ត្រូវដៃបណ្តាលឲ្យរងរបួសស្រាល ភ្លាមៗជនបង្កត្រូវបានប្រជាពលរដ្ឋដែលបានឃើញហេតុការណ៍ ឃាត់ខ្លួនប្រគល់ឲ្យសមត្ថកិច្ចប៉ុស្តិ៍ឃុំធាយ ដើម្បីធ្វើការសាកសួរ និងកសាងសំណុំរឿងបញ្ជូនខ្លួនទៅកាន់ អធិការដ្ឋាននគរបាលស្រុកបាភ្នំ ដើម្បីកសាងសំណុំរឿងបញ្ជូនខ្លួនទៅកាន់សាលាដំបូងខេត្ត ចាត់ការតាមផ្លូវច្បាប់ ៕

ករណីហិង្សា

ករណីហិង្សា

 ករណីហិង្សា

ករណីហិង្សា

ករណីហិង្សា

ករណីហិង្សា

ករណីហិង្សា

ចែកចាយបន្ត