Post News Media ព័ត៌មានជាតិ បែកធ្លាយរឿង​ច...

បែកធ្លាយរឿង​ចៅសង្កាត់ច្បារអំពៅ២ លួចដីរដ្ឋលក់​ និងក្លែងឯកសារ​

ចែកចាយបន្ត

ភ្នំពេញ: ក្រោយពីសំណុំរឿងចៅសង្កាត់ព្រែកប្រា ស្ថិតក្នុងកណ្ដាប់ដៃសមត្ថកិច្ច និងតុលាការ ពេលនេះស្រាប់តែធ្លាយរឿងថ្មីមួយទៀត នោះគឺចៅសង្កាត់ច្បារអំពៅ២ លោក យ៉ិន វុធ ពាក់ព័ន្ធនឹងករណីលួចដីរដ្ឋលក់ និងក្លែងបន្លំឯកសារ ពោលធ្វើសំបុត្រកំណើតឲ្យជនជាតិចិន។

យោងតាមឯកសារដែលអង្គភាពសារព័ត៌មាន Post News ដែលទើបនឹងទទួលបាននៅព្រឹកថ្ងៃទី១៧ វិច្ឆិកា ២០១៦ ថា លោកចៅសង្កាត់ច្បារអំពៅ២ ត្រូវបានអគ្គនាយកនៃអគ្គនាយកដ្ឋានអន្តោប្រវេសន៍ នាយឧត្តមសេនីយ៍ សុខ ផល ប្រតិកម្មដោយលោក សុខ ផល បានធ្វើលិខិតមួយច្បាប់ចុះថ្ងៃទី៦ សីហា ២០១៦ ផ្ញើទៅព្រះរាជអាជ្ញាអមសាលាដំបូងរាជធានីភ្នំពេញស្នើសុំឲ្យបើកការស៊ើបអង្កេតករណីចេញសំបុត្រកំណើតឲ្យជនបរទេសខុសច្បាប់ (ចិន) ដែលប្រព្រឹត្តដោយចៅសង្កាត់ច្បារអំពី២ យ៉ិន វុធ។

របាយការណ៍បានបង្ហាញទៀតថា លោក យ៉ិន វុធ ពាក់ព័ន្ធនឹងការលក់ដីទៅសមាគមចិន ដែលជាអតីតដីរបស់ប្រជាពលរដ្ឋនៅជួរមាត់ទន្លេ បន្ទាប់ពីត្រូវភ្លើងផ្ទះ ហើយដីនេះ មានទំហំកន្លះហិកតា ។ មិនតែប៉ុណ្ណោះ របាយការណ៍បានបញ្ជាក់ទៀតថា លោកចៅសង្កាត់រូបនេះ ពាក់ព័ន្ធនឹងការយកផ្ទះរបស់រដ្ឋទៅនៅ ដែលដំបូងឡើយ គេសង់សម្រាប់ធ្វើទីស្នាក់ការគណបក្សប្រជាជន។

ពាក់ព័ន្ធនឹងការចោទប្រកាន់ចៅសង្កាត់ច្បារអំពី២ លោក យ៉ិន វុធ Post News មិនអាចស្វែងរកការទំនាក់ទំនង សុំការពន្យល់បានទេ ប៉ុន្តែបើយោងទៅតាមឯកសារ ដែលផ្ញើមកអង្គភាពយើង គឺស្នើឲ្យអាជ្ញាធរពាក់ព័ន្ធបើកការស៊ើបអង្កេត ថាតើរឿងនេះ ជារឿងពិត ឬអត់ ពីព្រោះតែពេលនេះ ប្រជាពលរដ្ឋត្រូវសម្រេចចិត្ត ខណ:ការបោះឆ្នោតឃុំសង្កាត់ និងថ្នាក់ជាតិខិតជិតចូលមកដល់៕

photo_2016-11-17_11-33-27

photo_2016-11-17_11-33-29

photo_2016-11-17_11-33-25

photo_2016-11-17_11-33-27-2

ចែកចាយបន្ត